IBULUNGELO-THUNGELELWANO LesiThala
LesiThala
IBULUNGELO-THUNGELELWANO
IsiNdebele
  • IBHAYIBHELI
  • IINCWADI
  • IMIHLANGANO
  • lfb isif. 2 k. 10-k. 11 isig. 1
  • Ekuthomeni UZimu Wabenza Kwaba Yindoda Nomfazi

Ncancabe asinayo ividiyo

Ncancabe, kube nomtjhapho nakufakwa ividiyo

  • Ekuthomeni UZimu Wabenza Kwaba Yindoda Nomfazi
  • Iimfundo Ongazithola EBhayibhelini
  • Incwadi Efanako
  • Indoda Nomfazi Bokuthoma
    Incwaadami Yeendaba ZeBhayibhili
  • Kubayini Siluphala Bese Siyahlongakala?
    IsiThala Esazisa NgomBuso KaJehova (Public)—2019
  • Isitha Sokugcina Esizokubhujiswa, Kukufa
    IsiThala Esazisa NgoMbuso KaJehova—2014
  • Ukufa KwakaJesu Nokuvuka Kwakhe​—Kungatjho Ukuthini Kuwe?
    IsiThala Esazisa NgoMbuso KaJehova—2015
Bona Okungeziweko
Iimfundo Ongazithola EBhayibhelini
lfb isif. 2 k. 10-k. 11 isig. 1
U-Adamu no-Eva esimini ye-Edeni

ISIFUNDO 2

Ekuthomeni UZimu Wabenza Kwaba Yindoda Nomfazi

UJehova watjala isimu endaweni ebizwa ngokuthi yi-Edeni. Isimu leyo beyizele amabhlomu, imithi neenlwana. Ngemva kwalokho, uZimu wadala umuntu wokuthoma, u-Adamu wamenza ngethuli wamphefumulela ngeempumulweni. Ngemva kwalokho, uyazi kwenzekani? U-Adamu waba mumuntu ophilako! UJehova wambeka esimini bona ayitlhogomele, bewamtjela nokuthi athiye zoke iinlwana amabizo.

UJehova wanikela u-Adamu umthetho oqakathekileko. Wathi: ‘Ungazidlela ngokuthanda kwakho kinanyana ngimuphi umuthi osesimini kodwana malungana nomuthi wokwazi okuhle nokumbi, ungadli kiwo. Ngombana mhlana udla kiwo nangambala uzokufa.’

Ngokukhamba kwesikhathi uJehova wathi: ‘Ngizokwenzela u-Adamu umsizi.’ Nje-ke wenza bona u-Adamu alale ubuthongo obukhulu, uZimu wathatha elinye leembambo zakhe wamenzela umfazi. Ibizo lakhe kwaba ngu-Eva. U-Adamu no-Eva baba mndeni wokuthoma. Wazizwa njani u-Adamu nakathola umfazi loyo? U-Adamu wathaba khulu kwamambala, wabe wathi: ‘Qala bona uJehova wenzeni ngebambo lami! Emaswapheleni nangu umuntu onjengami.’

UJehova watjela u-Adamu no-Eva ukuthi babe nabantwana bazalise iphasi. Bekafuna bathabele ukusebenza bobabili, benze iphasi loke libe yipharadesi libe lihle njengesimu ye-Edeni. Kodwana izinto azange zibe njalo. Kubayini? Sizokufunda okungeziweko esihlokweni esilandelako.

“Ekuthomeni wabenza kwaba yindoda nomfazi.”—Matewu 19:4

Imibuzo: Ngimuphi umsebenzi uJehova awunikela u-Adamu? Yini ebeyizokwenzeka ku-Adamu no-Eva nabadla emthini uZimu athe bangadli kiwo?

Genesisi 1:27-31; 2:7-9, 15-23; IRhubo 115:16; Matewu 19:4-6

    Iincwadi ZesiNdebele (2008-2025)
    Phuma
    Ngena
    • IsiNdebele
    • Yabelana
    • Okunyulako
    • Copyright © 2025 Watch Tower Bible and Tract Society of Pennsylvania
    • Imibandela
    • Iinkambiso Zokubulunga Ifihlo
    • Ukuhlelwa Kwemininigwanakho Eyifihlo
    • JW.ORG
    • Ngena
    Yabelana