Ungakghona Na Ukuthomisa Isifundo SeBhayibhili Ngo-Oktoba?
1. Khuyini ekhanjiswa ngo-Oktoba?
1 Isipho sabomagazini esikhanjiswa ngo-Oktoba yi-ISithalasokulinda nePhaphama! Ukulandelela ikareko, sikhuthazwa bona sikhambise iphetjhana elithi, Ungathabela Ukulazi Iqiniso? linga ukuthoma isifundo seBhayibhili. Singakwenza njani lokho nasenza amabuyelo?
2. Singaliberegisa njani iphetjhana elithi, Lazi Iqiniso bona sithomise isifundo seBhayibhili nasenza amabuyelo emntwini owamukele umagazini?
2 Indlela Esingaliberegisa Ngayo Iphetjhana: Singathi: “Abomagazini engikutjhiyele bona bakhuthaza yoke iimhlobo yabantu neenkolo bona zihlole iBhayibhili. [Nikela umninimuzi iphetjhana elithi, Lazi Iqiniso, begodu mtjengise iimbuzo engaphambili.] Nasi eminye iimbuzo ekarako iBhayibhili elinikela iimpendulo ezanelisako. Wakhe wazibuza iimbuzo le?” Ngemva kokufumana ipendulo yomninimuzi, cabangelani ipendulo yombuzo wakhe niberegisa iphetjhaneli, begodu nifunde iimtlolo edzubhuliweko. Ngemva kwalokho mhlathululele bona lokhu kutjengisa lokho okufundiswa yiBhayibhili, mnikele incwadi ethi, Okufundiswa YiBhayibhili. Ngemva kwalokho singacoca ngeengaba ezisekuthomeni kwesahluko asikhethileko erhelweni leenhloko ezingaphakathi kwencwadi. Mhlamunye singakhetha ukuqala imininingwana engeziweko ekhuluma ngendaba esicoce ngayo ephetjhaneni. Nanzi ezinye iindlela esingaziberegisa:
● Ingabe uZimu unendaba nathi? (kk. 9-11, iing. 6-10)
● Ingabe ipi nokutlhaga kuzakhe kuphele? (k. 12, iing. 12-13)
● Kwenzekani kithi nasihlongakalako? (kk. 59-60, iing. 7-8)
● Ingabe likhona ithemba ngabahlongakeleko? (k. 71, iing. 13-15)
● Ngingathandaza bunjani uZimu angizwe? (kk. 166-167, iing. 5-8)
● Ngingalifumana bunjani ithabo epilweni? (k. 9, iing. 4-5)
3. Singayintjhentjhantjhentjha njani indlela esenza ngayo bona ivumelane nobujamo?
3 Kuliqiniso, Nengabe ubujamo abusivumeli bona sithomise isifundo ngencwadi ethi Okufundiswa YiBhayibhili emabuyelweni wokuthoma, singenza amalungiselelo wokubuyela godu siragele phambili nengcoco. Kuyame ngekareko umuntu anayo, ungakhetha ukucoca ngeembuzo engeziweko esephetjhaneni ngokubuyela kanengi ngaphambi kobana uthomise isifundo. Kwanga singaliberegisa kuhle iphetjhaneli ngo-Oktoba bona sithomise isifundo seBhayibhili begodu sirhelebhe aba neenhliziyo ezithembekileko bona “bazakwazi iqiniso.”—Jwanisi 8:31, 32.