Uyakwazi Okufuze Ukukhethe?

Ukuhlinzwa ngaphandle kokusetjenziswa kweengazi sele kwenziwa ngezinga eliphakemeko eenkhungweni zezokwelapha ephasini zombelele. Unalo ilwazi elizeleko lalokho okufuze ukukhethe malungana nokulatjhwa ngaphandle kokusetjenziswa kweengazi? Kufuze wazi khona uzakwazi ukwenza iinqunto ezisekelwe elwazini elifaneleko malungana nokulatjhwa nokuhlinzwa. Bukela i-video ethi, No Blood—Medicine Meets the Challenge. Ngemva kwalokho, ngomthandazo buyekeza okufundileko ngerhelebho leembuzo etjengiswe ngenzasi.—Tjheja: Njengombana i-video le ibandakanya izehlakalo ezifitjhani zokuhlinzwa, ababelethi kufuze baqunte bona bazobavumela na abantwana babo abancani bonyana bayibukele.

(1) Ngiliphi ibanga eliyihloko elenza aboFakazi BakaJehova bale ukuthela iingazi? (2) Khuyini aboFakazi BakaJehova abayifisako nakuziwa endabeni yokwelatjhwa? (3) Iinguli zinaliphi ilungelo elisisekelo? (4) Kubayini kukuhlakanipha nokutjengisa ukuvuthwa ukukhetha ezinye iindlela zokulapha ngaphandle kokuthela iingazi? (5) Nakuba neengazi ezinengi ezilahlekako, ngiziphi izinto eembili eziqakathekileko abodorhedere abangazenza ngokurhabako? (6) Ngiziphi iinkambisolawulo ezine zamano zokulapha ngaphandle kokuthela iingazi? (7) Abodorhodere (a) bangakunciphisa njani ukopha, (b) bangawabulunga njani amaseli abomvu (c) bangazikhiqiza njani iingazi emzimbeni, (d) begodu nokubuyisela iingazi ezilahlekileko emzimbeni? (8) Hlathulula iinkambiso ezibizwa ngokobana (a) yi-hemodilution (b) ne-cell salvage. (9) Khuyini ekufuze ufune ukuhlathululelwa yona malungana ngananyana ngiyiphi enye indlela yokulapha ngaphandle kokuthela iingazi? (10) Ukuhlinzwa okukhulu nokubudisi kungenziwa na ngaphandle kokuthela iingazi? (11) Ngiyiphi ituthuko ehle eyenzekako ezikweni lezokulapha?

Kusiqunto somuntu mathupha ukwamukela ezinye zeendlela zokulapha ezitjengiswe ku-video le ngokuvumelana nesazelo sakhe esibandulwe yiBhayibhili. Sele usenzile isiqunto bona ngiziphi iindlela zokulapha ozimisele ukuzamukela wena nabantwana bakho bewazalisa nekarada elitjha i-Advance Medical Directive (AMD)a? Ukufumana iimniningwana ezeleko malungana neendabezi, ngokutjhejisisa buyekeza “Iimbuzo Evela Kubafundi” kuNqabayokulinda kaJuni 15, 2004, neka-Oktoba 15, 2000. Ngemva kwalokho sebenzisa amaforomu asesihlomelelweni seNkonzo Yethu YoMbuso kaJanabari, 2007, esithi, “Kufanele Ngizibheke Kanjani Izingxenyana Zegazi Nezinqubo Zokwelapha Ezihilela Ukusetshenziswa Kwegazi Lami?,” ukuzenzela iinqunto bona ngiziphi iindlela ozozikhetha namtjhana ongazifuniko. Ekugcineni, qiniseka bona uzitlole ngokunembileko iinqunto zakho ekaradeni i-AMD. Labo obakhethe bona babe bajameli bakho kezokulapha nanyana ngimaphi amalungu womndeni angasiwo aboFakazi, kufuze baziswe ngokuzeleko ngesiqunto sakho.

[Umtlolo waphasi]