Ubulungele Ubujamo Bepilo Oburhabako?
Ubujamo bepilo oburhabako bungenzeka bungakalindelwa nangaphandle kwesiyeleliso. (Jak. 4:14) Ngalokho, ohlakaniphileko uzobulungiselela ngendlela angakghona ngayo. (Iziy. 22:3) Sewuquntile na bona ngiziphi iinkambiso zokulatjhwa ozozamukela, begodu usitlole phasi isiqunto sakho? Ukukusiza, kwenziwe ividiyo ethi Transfusion-Alternative Health Care—Meeting Patient Needs and Rights, eyividiyo yesibili ye-DVD ethi Transfusion-Alternatives—Documentary Series. Njengombana uyibukela, qala bona ungayiphendula iimbuzo elandelako. Ngombana evidiyweni le kuneenqephu ezifitjhani zokuhlinzwa, ababelethi kufuze basebenzise ilemuko nebayibukela nabantwana abancani.
(1) Kubayini abanye kezokwelapha batjhugulula umbono wabo malungana nokufakela iingazi? (2) Nikela iimbonelo eentathu zokuhlinzwa okubudisi okwenziwe ngaphandle kokufakelwa iingazi. (3) Kubayini iinkulungwana zabodorhodere nabahlinzi ephasini zombelele bazimisele ukulapha iingulani ngaphandle kokuzifakela iingazi? (4) Irhubhululo lamva nje eembhedlela litjengisani ngokusetjenziswa kweengazi? (5) Ngiziphi iingozi ezingokwepilo ezihlobene nokufakelwa iingazi? (6) Izazi ezinengi ziphethe ngokuthini malungana neenzuzo zokusebenzisa ezinye iindlela zokulapha ngaphandle kokufakela iingazi? (7) Yini ebangela i-anemia, begodu kungenziwani ukulwisana nayo? (8) Umzimba wesigulani ungakhuthazwa njani bona ukhiqize amaseli abomvu? (9) Ngiziphi iindlela ezisetjenziswako ukunciphisa ukopha nekuhlinzwako? (10) Iindlela zokulapha ngaphandle kokufakela iingazi zingasebenza na ebantwaneni abancani namtjhana ebantwini ababandakanyeke ebujamweni oburhabako obusongela ukuphila? (11) Ngiyiphi enye yeenkambisolawulo zokuziphatha yokutlhogonyelwa kwepilo okuhle?
Iimbiko itjengisa bona abarhuweleli abanengi abakawazalisi amakarada wabo we-Advance Medical Directive, namtjhana abawaphathi ngaso soke isikhathi. Ababonisi beenqhema kufuze baqiniseke bona boke eenqhemeni zabo benza ngokuvumelana nefuneko eqakathekileko le. Njengombana ukwamukela ezinye iindlela zokulapha ezitjengiswe evidiyweni le kuyindaba yesazela, ungalindi bona uqalane nobujamo oburhabako bese kuba khona ucabangela bona ngikuphi ozokwamukela namtjhana ongekhe ukwamukele. Isahluko 7 sencwadi ethi “Ethandweni LakaZimu” neenkhombo eziveziweko kunye nesihlomelelo se-Konzwethu YoMbuso kaNovemba 2006 sizokusiza wenze isiqunto esisekelwe kilokho okufundileko. Ngemva kwalokho, newubhabhadisiweko, tjengisa iinqunto zakho ekaradeni le-DPA, begodu uhlale uliphethe ikaradelo ngaso soke isikhathi.
[Umkhangiso osekhasini 3]
Sewuquntile na bona ngiziphi iinkambiso zokulatjhwa ozozamukela bewazitlola phasi?