Izaziso
◼ Isipho esikhanjiswa ngo-Apreli: Abomagazini ISithalasokulinda ne-Phaphama! Newenza amabuyelo, yethula incwadi ethi Okufundiswa YiBhayibhili namtjhana nengabe kufanelana neentlhogo zomuntu, sebenzisa incwajana ethi, Lalela UZimu Uphile Ngokungapheliko, begodu ulinge ukuthoma isifundo seBhayibhili. NgoMeyi nangoJuni: Khambisa iphetjhana elithi Ungathabela Ukulazi Iqiniso? nanyana ngiliphi elinye iphetjhana ibandla okungenzeka linalo esitokweni. Nekabonise ikareko, mtjengise indlela isifundo seBhayibhili esingaragwa ngayo usebenzisa incwadi ethi, Okufundiswa YiBhayibhili namtjhana incwajana ethi, Lalela UZimu Uphile Ngokungapheliko.
◼ Ihlelo lomhlangano langeveke langaphambi komhlangano wesigodi lingatjhentjhwa bona kubuyekezwe iinluleko neenkhumbuzo okwacocwa ngazo ngeveke ethoma ngo-Apreli 22. Ngemva kwenyanga yinye nofana eembili kudlule umhlangano, ingcenye yeentlhogo zebandla ingasetjenziselwa ukubuyekeza amaphuzu womhlangano abarhuweleli abawafumene alisizo ekonzweni.
◼ Newuhlela ikhambo elihlanganisa nokuya emhlanganweni wesigodi kenye inarha, uzokufumana imininingwana elisizo kuZinzolwazi ethi www.pr418.com ngokukhetha ingcenye ethi, “Ukwazi Ngathi” bese uvula kwethi, “imiHlangano Emikhulu.”
◼ Nizokuthaba ukwazi bona njenganje esimini yegatja lethu kunamabandla azi-2 200 neenqhema zabarhuweleli ezima-53. Emabandleni layo, azi-1 975 asebenzisa iZinzolwazi yethu ethi, www.pr418.com bona athumela imibiko, i-oda leencwadi nokudawuniloda izinto zebandla. Sifisa ukuwabuka amabandla asebenzisa iZinzolwazi le. Lokhu kubulungela igatja isikhathi esinengi, kunciphise nomsebenzi godu kuzuzise amabandla asebenzisa iZinzolwazi le. Nanyana kunjalo, kusesenamabandla ama-278 angakayisebenzisi iZinzolwazi le. Sibawa amabandla layo athome ukuyisebenzisa iZinzolwazi le msinyana ngendlela angakghona ngayo. Sibawa nithinte i-ofisi legatja nengabe nitlhoga isizo ngalokhu.
◼ Kulithabo ukunibikela bona amabandla ali-12 athabele ukunikela amaWolo womBuso amatjha. E-Eastern Cape: Mlungisi, Hlankomo, neNomlacu. EGauteng: Lotus Gardens, Mayfield, Refengkhotso, Sunrise, neTsakane East. KwaZulu-Natal: Mevamhlophe. ELimpopo: Dzumeri. ESwazini: Ekupheleni. EWestern Cape: Guguletu West.