IinTjumayelo EzizimBonelo

UkuThoma IimFundo ZeBhayibhili NgoMgqibelo WokuThoma Ka-Meyi

“Abantu abanengi baneBhayibhili, kodwana inengi liyavuma bona kubudisi ukulizwisisa. Wakhe wazibuza bona kungakghonakala bonyana ulizwisise iBhayibhili?” [Lindela ipendulo.] Mtjengise isihloko esisekhasini 15 se-Sithalasokulinda sakaMeyi-Juni, bese nicoce ngesigaba sokuthoma begodu nifunde okunganani munye wemitlolo ekhonjiweko. Khambisa abomagazini, begodu uhlele nokubuya nizokucoca ngombuzo olandelako.

ISithalasokulinda Meyi-Juni

“Mva nje, abantu abanengi bagidinge ukufa nokuvuswa kwakaJesu. Kodwana abanengi abaqiniseki bona ukufa nokuvuswa kwakhe kubazuzisa njani bona. Wakhe wazibuza ngalokho? [Lindela ipendulo.] Tjheja iinzuzo eziqakathekileko ezitjhiwo la. [Funda 1 Korinte 15:20-22.] Umagazini lo uhlathulula bona ukuvuswa kwakaJesu kutjho ukuthini kimi nawe.”

Phaphama! Meyi

Sivakatjhela abomakhelwana bethu bona sicoce nabo ngomraro obatshwenyako—ubulelesi. Abanye bacabanga bona into engaqeda ubulelesi kukobana kube namapholisa amanengi. Ucabangani? [Lindela ipendulo.] Bewazi na bonyana iBhayibhili ithembisa bona ubulelesi buzokuphela? [Funda IRhubo 37:10, 11.] Umagazini lo ukhuluma ngesithembiswesi esiqinisekileko begodu uhlathulula amagadango esingawasebenzisa bona sizivikele ebulelesini.”