Iintjumayelo Ezizimbonelo

Ukuthoma Iimfundo ZeBhayibheli NgoMgqibelo Wokuthoma Ka-Oktoba

“Pheze woke umuntu uyathandaza ngezinye iinkhathi, kodwana abantu abanengi bacabanga bona uZimu akayilaleli imithandazwabo. Ucabanga bona kufuze senzeni bonyana uZimu azwe imithandazwethu?” Lindela ipendulo. Mtjengise ngemva kwesigubuzeso se-Sithalasokulinda sakaSeptemba-Oktoba, begodu nicoce ndawonye ngendaba engaphasi kombuzo wesibili bese nifunde okunganani munye wemitlolo ekhonjiweko. Mkhambisele abomagazini, begodu uhlele nokubuya.

ISithalasokulinda Septemba–Oktoba

“Singathanda ukuzwa umbonwakho kilokho okutjhiwo ngilokhu. [Funda 1 Jwanisi 4:8.] Abanengi bayavumelana namezwi la, kodwana abanye bacabanga bona uZimu unelunya ngokubangela, nofana ngokuvumela iinhlekelele zemvelo. Ucabangani? [Lindela ipendulo.] Isihloko esisekhasini 14 sakamagazini lo siveza indlela uZimu azizwa ngayo ngokutlhaga.”

Phaphama! Oktoba

“Ngingathabela ukuzwa umbonwakho ngombuzo lo: Kungakghoneka na bona saneliseke ngitjho nanyana singanazo izinto ezinengi eziphathekako? [Lindela ipendulo.] Tjheja lokho okutjhiwo yiBhayibheli. [Funda yoku-1 Thimothi 6:8.] Umagazini lo uveza umbono olinganiseleko wokuba nezinto eziphathekako begodu ukhuluma ngezinto ezintathu eziqakathekileko imali engeze yakghona ukuzithenga.”