Iintjumayelo Ezizimbonelo

Ukuthoma Iimfundo ZeBhayibhili NgoMgqibelo Wokuthoma Ka-Oktoba

“Abantu baneenkolo ezihlukahlukeneko begodu bakhulekela uZimu ngeendlela ezinengi ezingafaniko. Ucabanga bona uZimu uzizwa njani ngalokho? [Lindela ipendulo.] Tjheja lokho uJesu akufundisako ngendaba le.” Nikela umninimuzi ISithalasokulinda esiphuma qobe ngemva kweenyanga eentathu saka-Oktoba-Disemba bese nicoca ngendaba engaphasi kwesihlokwana sokuthoma ekhasini 16 begodu okunganani nomtlolo owodwa kwekhonjiweko. Mkhambisele abomagazini, bese uhlele ukubuyela bona nizokucoca ngombuzo olandelako.

ISithalasokulinda Oktoba 1

“Abantwana kufuze bafundiswe ngoZimu basesebancani na, namtjhana kungcono ukulinda bebakhule bese ubavumele bazikhethele iinkolelo zabo? [Lindela ipendulo.] Tjheja bona iBhayibhili iyala abobaba bona benzeni. [Funda Kwebe-Efesu 6:4.] Umagazini lo usiza ababelethi ngendlela abangafundisa ngayo abantwababo ngoZimu.”

Phaphama! Oktoba

“Namhlanjesi sinivakatjhele ngeendaba ezithinta imindeni. Ungathi ngisiphi isitjhijilo esikhulu ababelethi abaqalene naso ekukhuliseni abantwana? [Lindela ipendulo.] Ababelethi abanengi bathembele eenqophisweni zeBhayibhili. Ngokwesibonelo, amezwi akuhlakanipha la alisizo nasikhalima abantwana. [Funda Kwebe-Efesu 4:31.] Umagazini lo utjengisa indlela isinqophiso seBhayibhili esingasiza ngayo ababelethi ekukhuliseni abantwababo kusukela ebuntwaneni bekube sesigabeni sokuba mumuntu omutjha.”