Irhelo Leveke Ethoma Ngo-Apreli 7

INgoma 15 nomThandazo

IsiFundo SeBhayibheli SeBandla:

cl-ZU isahl. 5 ¶9-17 (30 imiz.)

IsiKolo SeKonzo EsingokweZulwini:

Ukufundwa kweBhayibheli: Eksodusi 7-10 (10 imiz.)

No. 1: Eksodusi 9:20-35 (4 imiz. nofana ngaphasi)

No. 2: UJesu Uzokubuya Ngayiphi Indlela Begodu Woke Amehlo Ayombona Njani?—rs-ZU k. 264 ¶5–k. 265 ¶6 (5 imiz.)

No. 3: U-Abitjhayi—Thembeka Begodu Ukulungele Ukusiza Abanakwenu—it-E-1 k. 26 (Nofana Uzenzele Irhubhululo) (5 imiz.)

UmHlangano WeKonzo:

INgoma 124

10 imiz: Ukukhambisa Abomagazini Ngo-Apreli. Ingcoco. Thoma ngomboniso otjengisa indlela abomagazini abangakhanjiswa ngayo, kusetjenziswa iintjumayelo eembili ezisibonelo ekhasineli. Ngemva kwalokho hlaziya iintjumayelo ezisibonelo kusukela ekuthomeni kuya ekupheleni. Ngokurhunyeziweko phetha ngokukhuthaza boke bona babazi kuhle abomagazinaba nokobana bahlanganyele ngetjiseko ekubakhambiseni.

10 imiz: Ningalibali Ukwamukela Abayeni. (Heb. 13:1, 2) Ikulumo enikelwa mdala. Buyekeza amalungiselelo webandla wesiKhumbuzo. Phakamisa iindlela boke abangatjengisa ngazo umoya wokwamukela abayeni nabarhuweleli abapholileko abazabe bakhona. Akube nomboniso omfitjhani oneengcenye eembili. Kokuthoma, akube umrhuweleli amukela umuntu ofumene isimemo hlangana nejima lokumema, ngaphambi kobana kuthome isiKhumbuzo. Ngemva kwalokho akube nomboniso womrhuweleli loyo enza amalungiselelo wokuthuthukisa ikareko yovakatjhileko ngemva kwesiKhumbuzo.

10 imiz: Sisebenze Njani? Ingcoco. Bawa abarhuweleli batjho indlela abazuze ngayo ngokusebenzisa amaphuzu avele esihlokweni esithi, “Ukuthuthukisa Amakghonwethu Ekonzweni—Ukusabela Kilabo Abafuna Ukuvimba Ingcoco.” Bawa abalaleli batjho okuhle abakufumeneko.

INgoma 20 nomThandazo