Iinkhombiso Zencwajana Ethi, IPilo NomSebenzi WobuKrestu IHlelo LomHlangano WeBandla
DISEMBA 7-13, 2012
AMAGUGU ASELIZWINI LAKAZIMU | LEVITIKUSI 10-11
“Kufuze Sithande UJehova Ukudlula Imindenethu”
(Levitikusi 10:1, 2) Amanye amadodana ka-Aroni okunguNadabi no-Abihu, enye nenye yathatha idengela layo, yakha amalahle, yathela netjhwalo kilo beyaliletha phambi kwakaSomnini. Kodwana lawo bekumalahle atjhili uSomnini angazange ayale bona asetjenziswe. 2 Nje-ke kwavela umlilo endaweni ecwengileko phambi kwakaSomnini wawaqothula afela phambi kwakhe.
it-1 1174
Okungasisemthethweni
Umlilo Ongasisemthethweni Netjhwalo. KuLevitikusi 10:1, ibizo lesiHebheru elithi-zar linqotjhiswe ‘emalahleni atjhili uSomnini angazange ayale bona asetjenziswe’ kodwana amadodana ka-Aroni uNadabi no-Abihu anikela ngawo, lokho kwabangela bona uZimu abaqothule ngomlilo. (Lev 10:2; Num 3:4; 26:61) UJehova wathi ku-Aroni: “Wena namadodanakho ningaseli iwayini namkha utjwala lokha naningena ngetendeni lokuhlanganela, nakungasinjalo nizakufa. Lokhu kusimiso sanini nanini eenzukulwaneni ngeenzukulwana. Kufuze nihlukanise phakathi kokucwengileko nokujayelekileko, okuhlambulukileko nokusilapheleko. Godu kufuze nifundise ama-Israyeli zoke iimiso uSomnini ayala ngazo ngoMosi.” (Lev 10:8-11) Kubonakala ngasuthi uNadabi no-Abihu bebadakiwe nabenza umnikelo lo, lokho kwenza bona banikele ngomlilo ongakafaneli. Umlilo lo bewungasisemthethweni ngebanga lesikhathi, indawo nofana indlela owanikelwa ngayo namkha kungenzeka itjhwalo abalisebenzisako belingakenziwa ngendlela ehlathululwe ku-Eksodusi 30:34, 35. Ngebanga lokuthi bebadakiwe bafumana isijeziso esibafaneleko.
(Levitikusi 10:4, 5) UMosi wabiza uMitjhayeli no-Elitsafana amadodana ka-Uziyeli, ongusonghwanakhe laka-Aroni, wathi kiwo: “Tjhidelani, nisuse abafowenwaba phambi kwendawo ecwengileko nibase ngaphandle kwekampa.” 5 Mbala batjhidela, babathwala basambethe iimphuraphura njalo, babakhuphela ngaphandle kwekampa njengombana uMosi ayalile.
(Levitikusi 10:6, 7) UMosi wakhuluma no-Aroni namadodanakhe u-Elazara no-Itamara wathi kibo: “Ningaliseleli iinhluthu zenu zimatlharatlhara begodu ningatlebhuli izambatho zenu. Nanenza lokho nizakufa noSomnini uzakusilingeka ngomkhambathi woke. Kodwana abafowenu okuyindlu yoke yakwa-Israyeli, bangabalileli labo ababhujiswe nguSomnini ngomlilo. 7 Ningasuki emnyango wetende lokuhlanganela’ ukuze ningafi ngombana amafutha wokuzesa kaSomnini aphezu kwenu.” Nje-ke benza njengombana uMosi atjhwile.
Ungenile Ekuphumuleni KwakaZimu?
Umfowabo kaMosi, u-Aroni, waqalana nobujamo obubudisi obumalungana namadodanakhe amabili. Cabanga indlela okufuze bona wazizwa ngayo amadodanakhe amabili uNadabi no-Abihu nebabulawa nguJehova ngebanga lokunikela umnikelo ongafanelekiko Kuye. Kwamambala, lokho kwaqeda boke ubuhlobo okungenzeka amadodana lawo bekanabo nababelethi babo. Kodwana akupheleli lapho. UJehova wayala u-Aroni namadodanakhe athembekileko wathi: “Ningalisi iinhloko zenu zingakalungiswa, begodu ningarathuli izambatho zenu nilisizi, bona ningafi begodu [uJehova] angakwateli yoke ihlangano.” (Lev. 10:1-6) Umlayezo uyakhanya. Ithando lethu ngoJehova kufuze liqine kunethando lethu ngamalunga womndeni angakathembeki.
Rhubhulula Ngezinto ZakaZimu Eziligugu
(Levitikusi 10:8-11) USomnini wathi ku-Aroni: 9 “Wena namadodanakho ningaseli iwayini namkha utjwala lokha naningena ngetendeni lokuhlanganela, nakungasinjalo nizakufa. Lokhu kusimiso sanini nanini eenzukulwaneni ngeenzukulwana. 10 Kufuze nihlukanise phakathi kokucwengileko nokujayelekileko, okuhlambulukileko nokusilapheleko. 11 Godu kufuze nifundise ama-Israyeli zoke iimiso uSomnini ayala ngazo ngoMosi.”
Kufuze Sibe Ngabacwengileko Kikho Koke Ukuziphatha Kwethu
Nesizakucwengeka kufuze sihlolisise imiTlolo begodu senze koke uZimu afuna sikwenze. Akhucabange ngamadodana ka-Aroni uNadabi no-Abihu, ababulawa ngokunikela ‘ngamalahle [uJehova] angazange ayale bona asetjenziswe,’ okungenzeka bona bebenziswa kudakwa. (Lev. 10:1, 2) Tjheja lokho uZimu akutjela u-Aroni. (Funda uLevitikusi 10:8-11.) Kghani lokhu kutjho bona akukafuzi sisele nanyana ngibuphi utjwala ngaphambi kobana siye emihlanganweni yobuKrestu? Cabanga ngamaphuzu naka: Asisingaphasi komThetho kaMosi. (Rom. 10:4) Kezinye iinarha, abakhulekeli esikunye nabo basela isilinganiso esithileko sotjwala nebadlako, ngaphambi kokuya emihlanganweni. Kwasetjenziswa amakapho amane wewayini ngePhasika. Nekathoma isiKhumbuzo, uJesu wathi abapostoli bakhe basele iwayini elijamele iingazi zakhe. (Mat. 26:27) IBhayibheli liyakwala ukusela khulu nokudakwa. (1 Kor. 6:10; 1 Thim. 3:8) Inengi lamaKrestu lizizwa libophekile bona bangabuthinti nokubuthinta nebenza nanyana ngimuphi umsebenzi kaZimu. Nokho, ubujamo beendawo abufani, okuqakathekileko kukobana umKrestu ‘ahlukanise phakathi kokucwengileko nokujayelekileko’ ukwenzela bona aziphathe ngendlela ecwengileko ethabisa uZimu.
(Levitikusi 11:8) Ningadli inyamazo begodu ningathinti iindumbu zazo; zisilaphele kini.
it-1 111 ¶5
Iinlwana
Umthetho wokudliwa kweenlwana bewusebenza kuma-Israyeli ebewaphila ngomThetho kaMosi, njengombana umthetho ebewutlolwe kuLevitikusi 11:8 bewuthi: ‘Bezisilaphele kiwo.’ Ngebanga lomhlatjelo kaJesu Krestu wesihlengo, imithetho leyo yapheliswa. Yeke, boke abantu sebaphila ngaphasi kwelungiselelo lakaZimu alitjela uNowa ngemva komThwalela.—Kol 2:13-17; Gen 9:3, 4.
Ukufundwa KweBhayibheli
(Levitikusi 10:1-15) Amanye amadodana ka-Aroni okunguNadabi no-Abihu, enye nenye yathatha idengela layo, yakha amalahle, yathela netjhwalo kilo beyaliletha phambi kwakaSomnini. Kodwana lawo bekumalahle atjhili uSomnini angazange ayale bona asetjenziswe. 2 Nje-ke kwavela umlilo endaweni ecwengileko phambi kwakaSomnini wawaqothula afela phambi kwakhe. 3 UMosi wathi ku-Aroni: “USomnini bekatjho khona lokho nasithi, ‘Kilabo abeza kimi ngizazibonakalisa ngicwengile; emehlweni wabantu boke ngizaziphazimulisa.”’ U-Aroni wathula. 4 UMosi wabiza uMitjhayeli no-Elitsafana amadodana ka-Uziyeli, ongusonghwanakhe laka-Aroni, wathi kiwo: “Tjhidelani, nisuse abafowenwaba phambi kwendawo ecwengileko nibase ngaphandle kwekampa.” 5 Mbala batjhidela, babathwala basambethe iimphuraphura njalo, babakhuphela ngaphandle kwekampa njengombana uMosi ayalile. 6 UMosi wakhuluma no-Aroni namadodanakhe u-Elazara no-Itamara wathi kibo: “Ningaliseleli iinhluthu zenu zimatlharatlhara begodu ningatlebhuli izambatho zenu. Nanenza lokho nizakufa noSomnini uzakusilingeka ngomkhambathi woke. Kodwana abafowenu okuyindlu yoke yakwa-Israyeli, bangabalileli labo ababhujiswe nguSomnini ngomlilo. 7 Ningasuki emnyango wetende lokuhlanganela’ ukuze ningafi ngombana amafutha wokuzesa kaSomnini aphezu kwenu.” Nje-ke benza njengombana uMosi atjhwile. 8 USomnini wathi ku-Aroni: 9 “Wena namadodanakho ningaseli iwayini namkha utjwala lokha naningena ngetendeni lokuhlanganela, nakungasinjalo nizakufa. Lokhu kusimiso sanini nanini eenzukulwaneni ngeenzukulwana. 10 Kufuze nihlukanise phakathi kokucwengileko nokujayelekileko, okuhlambulukileko nokusilapheleko. 11 Godu kufuze nifundise ama-Israyeli zoke iimiso uSomnini ayala ngazo ngoMosi.” 12 UMosi wakhuluma no-Aroni namadodanakhe aseleko okungu-Elazara no-Itamara wathi: “Thathani umnikelo weenthoro osele eminikelweni ekhethekileko kuSomnini niwudlele ngeqadi kwealdari unganangumelo ngombana ucwenge khulu. 13 Udleleni endaweni ecwengileko ngombana usisabelo sakho nesamadodanakho eminikelweni ekhethekileko kuSomnini; kungendlela engayalwa njalo ngayo. 14 Kodwana wena, amadodana kanye namadodakazakho ningadla isifuba nomlenze wokuphakanyiswa.” Kudleleni endaweni ehlambulukileko ngombana kunikelwe wena, amadodanakho kanye namadodakazakho bona kube sisabelo sakho nabantwabakho emihlabelweni yetjhebiswano yama-Israyeli. 15 Lokha nakulethwa amafutha weminikelo ekhethekileko e-aldarini, umlenze nesifuba sokuphakanyiswa kufuze nakho kulethwe njengomnikelo osibiko kuSomnini.’ Umlenze nesifubesi kuzakuba sisabelo senu nabantwabenu imihla ngemihla, kube njengombana uSomnini ayalile.”
DISEMBA 14-20, 2012
AMAGUGU ASELIZWINI LAKAZIMU | LEVITIKUSI 12-13
“Esingakufunda Emithethweni Ebeyilandelwa Nawunobulepheru”
(Levitikusi 13:4, 5) Kodwana nakube isilonda siyakhanyela kwaphela nokobana asikangeneleli esikhumbeni, noboya abukaphenduki baba mhlophe, umphristi akakhuphe umuntu loyo hlangana nabantu amalanga alikhomba. 5 Ngelanga lekhomba umphristi akamhlole godu. Nangabe kubonakala emehlweni womphristi bona isilonda asikasabalali esikhumbeni, kufuze amkhuphe godu amanye amalanga alikhomba.
Kghani Liphelelwe Sikhathi?
• Ukuhlukaniswa kweengulani.
UmThetho kaMosi bewuhlukanisa abantu abanobulepheru ebantwini abaphilileko. Abodorhodere bezamaphilo sebayayisebenzisa ikambiso le begodu nesikhathini sethu iyasebenza. Indaba le isencwadini kaLevitikusi esahlukweni 13 no-14.
(Levitikusi 13:45, 46) “Umuntu onesifo sekhwekhwe kufuze embathe amanikiniki abe aliselele neenhluthu zakhe zimatlharatlhara bese avale isibhena sakhe somlomo esingehla arhuwelele athi, ‘Ngisilaphele! Ngisilaphele!’ 46 Uzakuhlala angosilapheleko njalo mlunga anesifeso. Usilaphele yena begodu kufuze ahlale yedwa endaweni engaphandle kwekampa.”
Bewazi?
AmaJuda wekadeni bewalisaba komhlolo ikhwekhwe ngeenkhathi zeBhayibheli. Ubulwelobu bebungahlasela umuntu bumtjhiye asabeka, angaqaleki nokuqaleka. Akunantatha ebebayazi yobulwelobu. Kunalokho labo ababanjwe likhwekhwe bebahlukaniswa nabantu begodu bebakatelelekile bona bayelelise nabanye ngobujamo babo.—Levitikusi 13:45, 46.
(Levitikusi 13:52) Umphristi akatjhise nanyana yini enokukghora okukhambeleleko eyenziwe ngewulu namkha ngelineni, kungaba sisambatho, intambo ephothiweko namkha itjhila nananyana yini eyenziwe ngesikhumba. Iye, nayinokukghora okukhambeleleko kufuze itjhiswe.
(Levitikusi 13:57) Nakube kuyenzeka ukukghora kuvele godu esambathweni, entanjeni ephothiweko, etjhileni nakunanyana yini yesikhumba, kutjho bona kuyasabalala. Into enokukghora leyo ayitjhiswe.
it-2 238 ¶3
Ubulepheru
Ezambathweni nangendlini. Ubulepheru bewungabufumana ezambathweni zewulu nezelineni namkha ezambathweni zesikhumba. Ubulepheru bebungasuka lokha izambatho nazivaswako begodu bekunehlelo lokuthi izambathwezo zihlukaniswe, zihlale zizodwa. Nakube kubonakala ubuhlazana namkha ububovana phezu kwesambathweso bekutjho ukuthi ubulepherobo bumbi begodu izambathwezo bekufuze zitjhiswe. (Lev 13:47-59) Nangabe umphristi ufumana bona iboda linokukghora okuhlazana nofana okubovana okubonakala kungenelele ebodeni, uzakuphuma ngendlini ajame emnyango ngaphandle bese uvala indlu leyo amalangana. Nangabe ufumana ukukghora kusabalele neboda lendlu uzakuyala bona kukhutjhwe amatje anokukghora aphoselwe ngaphandle komuzi ezaleni. Uzakwenza bona kurhwaywe umpharo wendlu ngaphakathi kuthi koke okuqeqebuliweko, kuthululelwe ngaphandle komuzi ezaleni. Kodwana nangabe umphristi uthi nakangena ngendlini azoyihlola afumane bona ukukghora akukasabalali ngemva kobana indlu isindiwe uzakumemezela bona indlu leyo ihlambulukile, okutjho bona ukukghora kusukile. (Lev 14:33-57) Bekucatjangelwa ukuthi ubulepheru obufumaneka ngendlini namkha ezambathweni bebumhlobo othileko wokukghora nofana wobulwembu, kodwana akunasiqinisekiso salokho.
Rhubhulula Ngezinto ZakaZimu Eziligugu
(Levitikusi 12:2) Akakhulume nama-Israyeli athi kiwo: “Lokha umfazi osidisi nabeletha umntwana omsana, uzakuba ngosilapheleko amalanga alikhomba. Njengemalangenakhe wokubona inyanga, uzakuba ngosilapheleko.
(Levitikusi 12:5) “Nakube ubeletha umntwana omntazana, uzakuba ngosilapheleko njengemalangenakhe wokubona inyanga, kodwana kube ziimveke ezimbili. Uzakuhlalela ubudlezana amanye amalanga amatjhumi asithandathu nasithandathu ngaphambi kobana ahlambuluke eengazini zokubeletha kwakhe.
w04-ZU 5/15 23 ¶2
Amaphuzu Avelele Encwadi KaLevitikusi
12:2, 5—Kungani ukuzala kwakwenza owesifazane abe “ongcolile”? Izitho zokuzala zazenzelwe ukudlulisela ukuphila komuntu okuphelele. Nokho, ngenxa yemiphumela yesono esiyifa, ukuphila okungaphelele nokunesono kwadlulela enzalweni. Izinkathi zesikhashana zokuba “ongcolile” ezazihlobene nokuzala kanye nezinye izindaba, njengokuya esikhathini nokushaywa izibuko, zazikhumbuza ama-Israyeli ngalesi sono esiyifa. (Levitikusi 15:16-24; IRhubo 51:5; Roma 5:12) Iziqondiso zokuhlanzwa ezazidingeka zazizosiza ama-Israyeli ukuba abone isidingo somhlatshelo wesihlengo owawuzosibekela isono sesintu ubuyisele nokuphelela kwabantu. Ngakho, uMthetho waba “umfundisi [wawo] oholela kuKristu.”—Galathiya 3:24.
(Levitikusi 12:3) Akuthi ngelanga lobunane kusokwe isana.
Kghani Liphelelwe Sikhathi?
• Isikhathi sokusoka.
NgokomThetho kaZimu umntwana omsana bekufuze asokwe nakanamalanga abunane. (Levitikusi 12:3) Ngemva kweveke iingazi zesana zisuka sezigijima kuhle emzimbenalo kangangokuthi zikghona nokubumba ihlwili. Ukulinda iveke ngaphambi kokusokwa bekusivikelo esikhathini esidlulileko. Zamaphilo bezingakathuthuki ngaleyo minyaka.
Ukufundwa KweBhayibheli
(Levitikusi 13:9-28) “Nangabe umuntu unekhwekhwe, kufuze alethwe kumphristi. 10 Umphristi akamhlole, nakube mbala kunendawo ekhanyela ngokuvuvuka esikhumbeni okuphendule uboya baba mhlophe nokobana sekunesilonda, 11 lelo likhwekhwe elingeneleleko esikhumbeni. Nje-ke umphristi uzakumemezela bona usilaphele. Loyo-ke akahlukaniswe nabantu kwesikhatjhana ngombana usilaphele. 12 Kodwana nangabe isifo sisabalele nesikhumba ukufika lapha sele sembese umzimba woke womuntu, ihloko neenyawo okutjho zoke izitho ezibonakala kumphristi, 13 umphristi uzabese uyamhlola. Nangabe isikhumba sakhe simhlope, uzakumemezela bona uhlambulukile. Nanyana isifo besele sembese woke umzimba, ungohlambulukileko. 14 Kodwana nakube masinyana uba nesilonda, khona-ke usilaphele. 15 Umphristi akahlole isilondeso bese amemezele bona umuntu loyo usilaphele. Isilonda sisilaphele, silikhwekhwe. 16 Kodwana nakube isilonda siyabutha bese siba mhlophe, akeze kumphristi, 17 umphristi amhlole. Nangabe isilonda siphenduke saba mhlophe, umphristi uzakumemezela bona uhlambulukile; yeke mbala uhlambulukile. 18 “Nangabe umuntu unethumba elipholako esikhumbeni sakhe 19 bese kuthi esikhundleni salo kube nokuvuvuka okubuthako namkha ibala elibovu elingakhanyeliko, naloyo kufuze azibonakalise phambi komphristi. 20 Umphristi akamhlole. Nangabe indawo ethintekileko ibonakala bona sele ingenelele esikhumbeni noboya buphenduke baba mhlophe, umphristi uzakumemezela bona usilaphele. Kulikhwekhwe eliqubuke esilondeni. 21 Kodwana nangabe umphristi uhlola indawo ethintekileko afunyanise bona ayikangeneleli esikhumbeni nokobana ayikakhanyeli kuhle begodu uboya abukaphenduki baba mhlophe, khona-ke umphristi akamkhuphe hlangana nabantu amalanga alikhomba. 22 Nangabe ibala lisabalala nesikhumba, umphristi uzakumemezela bona usilaphele. Likhwekhwe-ke lelo. 23 Kodwana nakube ibala lihlala linjalo alisabalali, kusibazi sethumba kwaphela. Umphristi uzakumemezela bona umuntu loyo uhlambulukile. 24 “Nakube umuntu unenceba lokutjha esikhumbeni bese isilonda sakhona siba nebala elimthuthu namkha elimhlophe 25 umphristi akalihlole ibalelo. Nakube uboya bebala buphenduke baba mhlophe begodu ibala libonakala lingenelele esikhumbeni, lelo likhwekhwe elivele encebeni lokutjha. Yeke umphristi uzakumemezela bona usilaphele. Lokho sisifo sekhwekhwe. 26 Kodwana nakube umphristi uyalihlola bese afunyanise bona uboya bebala abusi mhlophe nokobana alikangeneleli esikhumbeni begodu alikhanyeli kuhle, akamkhuphe hlangana nabantu amalanga alikhomba. 27 Kuzakuthi ngelanga lekhomba umphristi amhlole godu. Nakube lisabalala nesikhumba akamemezele bona umuntu loyo usilaphele. Lokho sisifo sekhwekhwe. 28 Kodwana nakube ibala lihlala lisendaweni eyodwa alisabalali nesikhumba begodu alikhanyeli kuhle, lokho sekuvuvuka kwenceba lokutjha nje. Umphristi uzakumemezela bona uhlambulukile ngombana lokho sibazi sokutjha.
DISEMBA 21-27, 2012
AMAGUGU ASELIZWINI LAKAZIMU | LEVITIKUSI 14-15
“Ukulotjha Okucwengileko Kutlhoga Bona Sihlwengeke”
(Levitikusi 15:13-15) “Nasele ovuzako ahlanjululiwe, uzazibalela amalanga alikhomba wehlambululo bese uhlanza izambatho zakhe, adude ngemanzini agelezako, yeke uzakuba ngohlambulukileko. 14 Ngelanga lobunane alethe amazuba amabili wommango namkha amazutjana amabili wekhaya kumphristi phambi kwakaSomnini emnyango wetende lokuhlanganela. 15 Umphristi uzakwenza imihlabelo ngawo. Elinye libe mhlabelo wehlambululo bese kuthi elinye libe mhlabelo wokutjhiswa. Nje-ke umphristi uzamenzela itethelelo kuSomnini ngokuvuza kwakhe.”
it-1 263
Ukuhlamba
Ukuhlanjululwa kwama-Israyeli bekufuze kwenziwe ngamabanga ahlukahlukeneko. Lokha umuntu nakaphole ebulweleni bobulepheru, nakathinte izinto ebezithintwe mumuntu ovuzako, nangabe indoda itsanyazile, nalokha umfazi aye esikhathini namkha lokha indoda ilala nomfazi bese itsanyaze bobabili bekufuze bahlambe babe ngabasilapheleko bekuhlwe. (Lev 14:8, 9; 15:4-27) Nanyana ngubani othinta isidumbu somuntu namkha abe ngetendeni elinesidumbu uzakuba ngosilapheleko begodu kufuze azihlambulule ngamanzi wehlambululo. “Kodwana nangabe osilapheleko akazihlambululi uzakujutjwa ehlanganweni ngombana usilaphaze indawo ecwengileko kaSomnini [kaJehova.]” (Num 19:20) Yeke, kuyafaneleka bona sithi ukuhlamba kufanekisela ukuba msulwa phambi kwakaJehova. (IR 26:6; 73:13; Isa 1:16; Hez 16:9) Ukuhlamba ngelizwi lakaJehova eliyiqiniso, okufanekiselwa mamanzi kunamandla wokuhlwengisa.—Efe 5:26.
(Levitikusi 15:28-30) “Nangabe ukopha kuphelile emfazini loyo, akazibalele yena amalanga alikhomba, emva kwalokho uzakuba ngohlambulukileko. 29 Ngelanga lobunane akalethe amazuba amabili wommango namkha amazutjana amabili wekhaya kumphristi phambi kwakaSomnini emnyango wetende lokuhlanganela. 30 Nje-ke umphristi uzakwenza elinye libe mhlabelo wehlambululo, elinye libe mhlabelo wokutjhiswa. Ngendlela leyo umphristi uzamenzela itethelelo kuSomnini ngokusilaphala kokopha kwakhe.
it-2 372 ¶2
Ukuya Esikhathini
Nangabe umfazi uya esikhathini bekaqalwa njengongakahlwengeki, nofana ophe amalanga amanengi ukudlula isikhathi sakhe uzakuba ngosilapheleko. Yoke into ebekahlala kiyo nofana umuntu omthintako bekazokuba ngosilapheleko. Nakaqeda ukuya esikhathini bekufuze azibalele amalanga alikhomba ngemva kwalokho bekazokuba ngohlwengileko. Ngelanga lobunane bekufuze alethe kumphristi amazuba amabili wommango nofana amazutjana amabili wekhaya bona amenzele umhlabelo wetethelelo kuJehova, elinye bekuba ngelomhlabelo wehlambululo elinye libe mhlabelo wokutjhiswa.—Lev 15:19-30.
(Levitikusi 15:31) “Ngokunjalo nizabe niyelelisa ama-Israyeli ekusilaphaleni kwawo ukuze angafi ngebanga lokusilaphala kwawo ngokurhubutjha ithaberinakeli lami eliphakathi kwenu.
it-1 1133
Indawo Ecwengileko
2. Itende lokuhlanganela ngokukhamba kwesikhathi kwaba lithempeli. Zoke izinto ebezisethempelini kuhlanganise isirhodlo sethaberinakeli namabala wakhona beziyindawo ecwengileko. (Eks 38:24; 2Kr 29:5; IzE 21:28) Izinto eziqakathekileko ebezifumaneka esirhodlweni bekuli-aldara lomhlatjelo nesitja sekoporo. Lezi bekuzizinto ezicwengileko. Abantu ebebangangena nanyana kunini esirhodlweni sethaberinakeli ngilabo ebebahlanjululiwe. Ngokufanako nemabaleni wethempelini, abantu bebangakavumeleki ukungena lapho nabangakahlwengeki. Ngokwesibonelo, umfazi ongakahlwengeki bekufuze angathinti nanyana yini ecwengileko, nanyana angene ngendaweni ecwengileko. (Lev 12:2-4) Nalokha ama-Israyeli ahlala isikhathi eside angazihlwengisi ekusilaphaleni kwawo, bewarhubutjha ithaberinakeli. (Lev 15:31) Labo ebebazokuletha umnikelo wehlambululo ebulweleni bobulepheru bekufuze bajame eyegeni yesirhodlo. (Lev 14:11) Umuntu ongakahlwengeki bekufuze angayidli inyama yomhlatjelo wetjhebiswano ethaberinakelini nofana ethempelini, nangabe uyayidla bekufuze abulawe.—Lev 7:20, 21.
Rhubhulula Ngezinto ZakaZimu Eziligugu
(Levitikusi 14:14) “Umphristi uzakuthatha ingcenye yeengazi zomhlabelo wehlawulo azininde endlebeni yangesidleni, kuthubha wangesidleni naphezu kothubhakghuru wangesidleni emuntwini ohlanjululwako.
(Levitikusi 14:17) Amanye amafutha asentendeni yomphristi uzawaninda phezu kweengazi zomhlabelo wehlawulo endlebeni yangesidleni, kuthubha wangesidleni naphezu kothubhakghuru wangesidleni emuntwini ohlanjululwako.
(Levitikusi 14:25) Uzakuhlaba imvana yomhlabelo wehlawulo, athathe ingcenye yeengazi zayo azininde endlebeni yangesidleni, kuthubha wangesidleni naphezu kothubhakghuru wangesidleni emuntwini ohlanjululwako.
(Levitikusi 14:28) Amanye amafutha asentendeni yomphristi uzawaninda phezu kweengazi zomhlabelo wehlawulo endlebeni yangesidleni, kuthubha wangesidleni naphezu kothubhakghuru wangesidleni emuntwini ohlanjululwako.
it-1 665 ¶5; w14 11/15 9 ¶7
Kubayini Kufuze Sicwengeke?
Nekuhlonywa ubuphristi bakwa-Israyeli, iingazi zeramu bezizeswa endlebeni yangesidleni, nakuthubhakghuru woMphristi omKhulu u-Aroni namadodanakhe. (Funda uLevitikusi 8:22-24.) Ukusetjenziswa kweengazi bunjalo bekutjho bona abaphristi bazokulalela, benze koke abangakwenza emisebenzinabo. NoMphristi omKhulu uJesu ubabekela isibonelo esihle khulu abakhethiweko nezinye izimvu. Indlebakhe beyisilalela isinqophiso sakaZimu. Izandla zakhe zasetjenziselwa ukwenza intando kaJehova, neenyawo zakhe azange ziphambuke endleleni ecwengileko. (Jwa. 4:31-34) Kuyafana nangomuntu ohlanjululwe ebulweleni bobulepheru, umThetho bewuthi umphristi kufuze athathe igazi leqama elinikelwe njengomhlabelo wehlawulo, namafutha awatjhatjhe endlebeni yangesidleni yomuntu onobulepheru.—Lev 14:14, 17, 25, 28.
(Levitikusi 14:43-45) “Nakube ukukghora kuyabuya ngendlinapho bekusabalale ngemva kokobana sele kususwe amatje, kwarhwaywa bekwasindwa, 44 umphristi kufuze abuyele ayokuhlola godu. Nakubonakala bona isifo sisabalele nendlu godu, yeke lokho kukukghora okukhambeleleko. Indlu leyo isilaphele. 45 Yeke ayibhuruzwe indlu leyo, kuthi yoke iququ okutjho amatje, iingodo nehlabathi ebekusindwe ngayo, kukhutjhelwe ngaphandle komuzi ezaleni.
g-ZU 1/06 14, ibhokisi
Isikhunta—Singaba Usizo, Sibe Ingozi!
INGABE ISIKHUNTA SASIKHONA NGEZIKHATHI ZEBHAYIBHELI?
IBhayibheli likhuluma ‘ngesifo sochoko endlini ethile,’ okuwukuthi isifo esasisesakhiweni uqobo. (Levitikusi 14:34-48) Kucatshangwa ukuthi lesi sifo esimangalisayo, esasibizwa nangokuthi ‘uchoko olubulalayo,’ kwakuwuhlobo oluthile lomngcithi noma isikhunta, kodwa akukho okuqinisekile ngalokhu. Noma ngabe yikuphi, uMthetho kaNkulunkulu wawuyala abanikazi bezindlu ukuba bakhiphe amatshe analesi sifo, baphale lonke ingaphakathi lendlu, futhi balahle konke okunalesi sifo ngaphandle komuzi “endaweni engahlanzekile.” Uma lesi sifo sibuya futhi, yonke indlu kwakuthiwa ingcolile, ngakho yayidilizwa bese kulahlwa konke eyayakhiwe ngako. Iziqondiso zikaJehova eziningiliziwe zabonisa ukuthi wayebathanda ngokujulile abantu bakhe nenhlalakahle yabo.
Ukufundwa KweBhayibheli
(Levitikusi 14:1-18) USomnini wakhuluma noMosi wathi: 2 “Naku umthetho womuntu ogade anekhwekhwe lokha nahlanjululwako: Akalethwe kumphristi 3 ozakuphumela ngaphandle kwekampa bona ayomhlola. Nakube ikhwekhwe lipholile, 4 umphristi uzakuyala bona ozokuhlanjululwa alethelwe iinyoni ezimbili ezihlambulukileko, isigojwana somsedari, nomtiya otlerebede nehlukuzu lehisophi. 5 Umphristi uzakuyala bona kukhiwe amanzi agelezako ngomjeka bese kuhlatjelwa enye yeenyoni ngehla kwawo. 6 Bese uthatha enye inyoni ephilako, isigojwana somsedari, umtiya otlerebede nehlukuzu lehisophi akutlubhuze eengazini zenyoni ehlatjelwe ngehla komjeka onamanzi akhiweko. 7 Akafafaze umuntu ozokuhlanjululwa loyo kalikhomba, amemezele bona uhlambulukile. Nje-ke akalise inyoni ephilako iphaphele emmangweni. 8 “Ohlanjululwako kuzakufanela ahlanze izambatho zakhe, arhune iinhluthu noboya boke emzimbeni bese uyaduda. Yeke uzakuba ngohlambulukileko. Emva kwalokho uzakubuyela ngekampeni nokho ahlale ngaphandle kwetende lakhe amalanga alikhomba. 9 Ngelanga lekhomba akagude zoke iinhluthu ehloko, esilevini namatjhiya. Iye, akasuse boke uboya emzimbeni. Nje-ke uzakuhlanza izambatho zakhe bese uyaduda. Yeke uzakuba ngohlambulukileko. 10 “Ngelanga lobunane ohlanjululwako loyo kufuze alethe amaqamanyana amabili nemvana esikazi enomnyaka, zoke zibe msulwa. Akalethe namathungana amathathu weflowuru esefiweko edutjwe ngamafutha we-oliva kanye nekwana yamafutha we-oliva. 11 Umphristi omhlambululako uzamletha kanye nezintwezo phambi kwakaSomnini emnyango wetende lokuhlanganela. 12 Yeke umphristi uzakuthatha linye lamaqamanyana lawo alihlabe libe mhlabelo wehlawulo kanye nekwana yamafutha bese uziphakamisa njengomnikelo osibiko kuSomnini. 13 Iqamanyanelo alihlatjelwe endaweni ecwengileko lapha kuhlatjelwa khona umhlabelo wehlambululo nomhlabelo wokutjhiswa. Umhlabelo wehlawulo njengomhlabelo wehlambululo ungowomphristi, ungocwenge khulu. 14 Umphristi uzakuthatha ingcenye yeengazi zomhlabelo wehlawulo azininde endlebeni yangesidleni, kuthubha wangesidleni naphezu kothubhakghuru wangesidleni emuntwini ohlanjululwako. 15 Yeke uzakuthatha ikwana yamafutha we-oliva awathele ngentendeni yesandla sakhe sesincele. 16 Nje-ke atlubhuze ngokhombabantu wangesidleni emafutheni angentendenakhe yangesinceleni, afafaze amafutha lawo kalikhomba phambi kwakaSomnini. 17 Amanye amafutha asentendeni yomphristi uzawaninda phezu kweengazi zomhlabelo wehlawulo endlebeni yangesidleni, kuthubha wangesidleni naphezu kothubhakghuru wangesidleni emuntwini ohlanjululwako. 18 Amafutha aseleko entendeni yomphristi uzawatjhatjha ehloko yomuntu loyo. Yeke umphristi uzakwenzela umuntu loyo itethelelo phambi kwakaSomnini.
DISEMBA 28–JANABARI 3
AMAGUGU ASELIZWINI LAKAZIMU | LEVITIKUSI 16-17
“ILanga LesiHlawulelo Nawe”
(Levitikusi 16:12) Uzakuthatha isitja sokutjhisela itjhwalo esigcwele amalahle avuthako e-aldarini eliphambi kwakaSomnini, akhelele izandla ezimbili zamakha wetjhwalo eligayiweko angene nawo ngaphakathi kwesiyaya setjhila.
Iimfundo Esizifumana Encwadini KaLevitikusi
Funda uLevitikusi 16:12, 13. Akhucabange nganasi isenzakalo sangeLanga lesiHlawulelo: Umphristi ophakemeko ungena ethaberinakeli. Ngelangelo ungena kathathu endaweni eCwengeke Khulu. Esandleni uphethe isikotlelo esizele itjhwalo elinuka kamnandi, kesinye uphethe irharafana yegolide ezele amalahle atjhisako. Ujama kancani ngaphambi kwerharideni elisemnyango otjhinga endaweni eCwengeke Khulu. Ngehlonipho ekulu, ungena endaweni eCwengeke Khulu, ajame ngaphambi komfaji wesivumelwano. Ngomqondo ongokomfanekiso, ujame ngaphambi kwakaJehova uZimu. Nje-ke umphristi uthela itjhwalo ecwengekileko emalahleni avuthako, ikamaro loke lizala iphunga elimnandi. Ngokukhamba kwesikhathi, uzokungena godu endaweni eCwengeke Khulu aphethe iingazi zokulitjalelwa kwezono. Tjheja ukuthi utjhisa itjhwalo ngaphambi kokwethula umnikelo weengazi zesono.
(Levitikusi 16:13) Uzakuthela itjhwalwelo emalahleni avuthako phambi kwakaSomnini ukuze ukuthunya kwentuthu yetjhwalo kuvale isisibekelo somfaji wobufakazi; ukwenzela bona angafi.
Iimfundo Esizifumana Encwadini KaLevitikusi
Khuyini esingayifunda endleleni ebekusetjenziswa ngayo itjhwalo ngeLanga lesiHlawulelo? IBhayibheli lithi imithandazo uJehova ayamukelako yabantu bakhe abathembekileko ifana netjhwalo. (Rhu. 141:2; IsAm. 5:8) Khumbula godu ukuthi umphristi ophakemeko bekatjengisa ihlonipho ekulu nakaletha itjhwalo phambi kwakaJehova. Ngendlela efanako, nasithandaza kuJehova, kufuze sithandaze ngehlonipho ekulu. Sikuthabela khulu ukuthi uMdali wezulu nephasi uyasivumela bona size kuye njengomntwana oya kuyise. (Jak. 4:8) Usamukela njengomuntu owamukela abangani bakhe. (Rhu. 25:14) Silithabela khulu ilungelweli kangangokuthi asifuni ukwenza litho elingamdanisa.
(Levitikusi 16:14, 15) “Godu uzakuthatha ingcenye yeengazi zekunzana leyo afafaze ilingaphambili lesisibekelo somfaji ngomuno, abuye afafaze kalikhomba phasi phambi kwaso. 15 “Uzakuhlaba ipongo yomhlabelo wehlambululo ekungeyabantu, alethe iingazi zayo ngaphakathi kwesiyaya setjhila bese wenza ngeengazi zayo njengombana enze ngezekunzana: Afafaze ilingaphambili lesisibekelo somfaji begodu afafaze phasi phambi kwaso.
Iimfundo Esizifumana Encwadini KaLevitikusi
Khumbula ukuthi umphristi ophakemeko bekufuze atjhise itjhwalo ngaphambi kokwenza umnikelo. Lokho bekuqinisekisa ukuthi uzokufumana ukwamukelwa nguZimu nakenza umnikelo. Sifundani kilokhu? Ngesikhathi asephasini, uJesu kwafuze enze into ethileko eqakatheke ukudlula ukusindiswa kwabantu, lokho kwakufuze akwenze ngaphambi kokunikela ngokuphila kwakhe. Bekuyini lokho? UJesu bekathembekile kuJehova wamlalela ukuphila kwakhe koke asesephasini, lokho bekuzokwenza bona uJehova awamukele umnikelwakhe. Ngokwenza lokho, uJesu bekazokutjengisa ukuthi ukuphila ngendlela kaJehova ngikho okulungileko. UJesu bekazokutjengisa godu nokuthi indlela kaBabakhe yokubusa ngiyo elungileko.
Rhubhulula Ngezinto ZakaZimu Eziligugu
(Levitikusi 16:10) Kodwana ipongo ewelwe yifumbe engeyaka-Azazeli uzayijamisa phambi kwakaSomnini iphila bona enze itethelelo ngayo bese uyithumela ku-Azazeli erhalawumbeni.
it-1 226 ¶3
U-Azazeli
Njengombana kwahlathulula umpostoli uPowula, uJesu wafeza okukhulu okudlula lokho ebekufezwa ‘ziingazi zeenkunzi nezembuzi’ ngokunikela ngokuphila kwakhe okunganasono bona kube mhlatjelo wezono zabantu. (Heb 10:4, 11, 12) Wanindwa ngomlandu, ‘wathwala ukugula kwethu’ begodu ‘walinyazwa ngebanga leemphambeko zethu.’ (Isa 53:4, 5; Mat 8:17; 1Pt 2:24) ‘Wathwala’ izono zalabo ebebakholelwa emhlatjelwenakhe. Watjengisa ilungiselelo lakaZimu lokulibalela izono zethu ngokupheleleko. Ngeendlelezi ‘ipongo ka-Azazeli’ ifanekisela umhlatjelo kaJesu Krestu.
(Levitikusi 17:10, 11) Godu uSomnini wathi kuMosi akakhulume nama-Israyeli athi: “Nangabe umuntu wendlu yakwa-Israyeli nanyana osikhonzi phakathi kwenu udla iingazi, ngizakujamelana nomuntu loyo. Ngizamjuba ebantwini bekhabo 11 ngombana ukuphila kwenyama kuseengazini. Ngimi oninikele iingazi bona nenze ngazo itethelelo yemiphefumulwenu e-aldarini. Ngebanga lokobana iingazi ziletha itethelelo ngepilo ekizo.
Kubayini Kufuze Sicwengeke?
Funda uLevitikusi 17:10. UJehova watjela ama-Israyeli bona angathomi adle “iingazi zananyana ngiliphi ihlobo.” AmaKrestu nanamhlanjesi kusafuze awugcine umthetho loyo. (IzE. 15:28, 29, NW) Ukucabanga nje bona uZimu ‘uzokujamelana nathi’ asiqothe nebandleni lakhe kusenza sithuthumele. Siyamthanda begodu sifuna ukumlalela. Nanyana singaqalana nobujamo obufaka ukuphila kwethu engozini, angekhe sivumele abantu abangamazi uJehova nabanganandaba nokumlalela bona basikatelele sifake iingazi. Liqiniso, sikulindele ukunyefulwa ngombana siyatjhida eengazini, kodwana sikhetha ukulalela uZimu. (Jud. 17, 18) Ngiliphi iphuzu endabeni le elingasisiza ‘siqiniseke’ ukuthi nangelanga lomhlolo singathomi sidle namkha sifake iingazi?—Dut. 12:23.
Ukufundwa KweBhayibheli
(Levitikusi 16:1-17) Ngemva kokufa kwamadodana amabili ka-Aroni lokha nabandamela uSomnini, uSomnini wakhuluma noMosi 2 wathi kuye: “Tjela u-Aroni umnakwenu bona angezi ngeenkhathi zoke endaweni ecwenge khulu engemuva kwesiyaya setjhila esiphambi kwesisibekelo somfaji wobufakazi ukuze angafi ngombana mina ngizokubonakala ngelifu phezu kwesisibekelweso. 3 Nanzi izinto u-Aroni ekufuze angene nazo ngendaweni ecwenge khulu: ikunzana yomhlabelo wehlambululo neqama lomhlabelo wokutjhiswa. 4 Akembathe iphuraphura ekhethekileko yelineni, afake idzeredzere yelineni ngaphasi kwayo, azibophe ngomkhungo welineni womphristi, athwale ingwani yelineni. Lokho kuzizambatho ezikhethekileko, yeke uzakududa umzimba ngaphambi kokwembatha. 5 Uzabese uthatha iimpongo ezimbili emkhambathini wama-Israyeli, zibe mihlabelo yehlambululo kanye neqama linye, libe mhlabelo wokutjhiswa. 6 “Nje-ke u-Aroni kufuze ahlabe ikunzana bona ibe mhlabelwakhe wehlambululo, azenzele yena nomndenakhe itethelelo kuSomnini. 7 Akathathe iimpongo ezimbili azijamise phambi kwakaSomnini emnyango wetende lokuhlanganela. 8 Enze ifumbe yeempongo ezimbilezo, enye ifumbe ibe ngekaSomnini kuthi enye ibe ngeka-Azazeli. 9 Uzakunikela ngepongo ewelwe yifumbe engekaSomnini, ayenze ibe mhlabelo wehlambululo. 10 Kodwana ipongo ewelwe yifumbe engeyaka-Azazeli uzayijamisa phambi kwakaSomnini iphila bona enze itethelelo ngayo bese uyithumela ku-Azazeli erhalawumbeni. 11 “U-Aroni uzakunikela ikunzana bona ibe mhlabelo wehlambululwakhe, azenzele yena nomndenakhe itethelelo kuSomnini. Ngemva kobana ahlabe ikunzana leyo njengomhlabelo wehlambululo 12 uzakuthatha isitja sokutjhisela itjhwalo esigcwele amalahle avuthako e-aldarini eliphambi kwakaSomnini, akhelele izandla ezimbili zamakha wetjhwalo eligayiweko angene nawo ngaphakathi kwesiyaya setjhila. 13 Uzakuthela itjhwalwelo emalahleni avuthako phambi kwakaSomnini ukuze ukuthunya kwentuthu yetjhwalo kuvale isisibekelo somfaji wobufakazi; ukwenzela bona angafi. 14 Godu uzakuthatha ingcenye yeengazi zekunzana leyo afafaze ilingaphambili lesisibekelo somfaji ngomuno, abuye afafaze kalikhomba phasi phambi kwaso. 15 “Uzakuhlaba ipongo yomhlabelo wehlambululo ekungeyabantu, alethe iingazi zayo ngaphakathi kwesiyaya setjhila bese wenza ngeengazi zayo njengombana enze ngezekunzana: Afafaze ilingaphambili lesisibekelo somfaji begodu afafaze phasi phambi kwaso. 16 Ngendlela leyo uzabe enzela indawo ecwenge khulu ihlambululo ngebanga lokusilaphala kwama-Israyeli nangeemphambeko zabo okutjho zoke izono zabo. Uzalihlambulula njalo-ke itende lokuhlanganela eliphakathi kwabo, hlangana nokusilaphala kwabo. 17 Akunamuntu ofanele abe ngetendeni lokuhlanganela lokha u-Aroni nangena endaweni ecwenge khulu bona enze itethelelo kuSomnini bekube sikhathi lapha aphuma khona. Nasele aqedile ukuzenzela yena nomndenakhe kanye nehlangano yoke yama-Israyeli itethelelo.