Sebenzisa Incwadi Ethi, Thabela Ukuphila Ngokungapheliko! Bona Wakhe Ukukholwa KuJehova NoJesu

Abantu esifunda nabo iBhayibheli kufuze babe nokukholwa okuqinileko nabazakuthabisa uZimu. (Heb 11:6) Singabathinta iinhliziyo ngokusebenzisa incwadi ethi, Thabela Ukuphila Ngokungapheliko! Incwadi le inemitlolo eqakathekileko, ekhanyako, imibuzo eyenza umuntu acabange, amavidiyo akhuthazako kunye neenthombe ezifundisako. Ngokusiza abafundi babe nobuntu bobuKrestu begodu babe nobuhlobo noZimu, sibasiza bakhe ngezinto ezingatjhiko.—1Ko 3:12-15.

Abanye abantu bakufumana kubudisi ukucabanga ukuthi bangaba bangani bakaZimu, umuntu abangamboniko. Yeke, kutlhogeka bona sibasize bakhe ukukholwa, bazi uJehova bebamthembe.

BUKELA IVIDIYO ETHI, YAKHA UKUKHOLWA KUJEHOVA, USEBENZISA INCWADI ETHI, “THABELA UKUPHILA NGOKUNGAPHELIKO!” BESE UPHENDULA IMIBUZO ELANDELAKO:

• Sazi njani ukuthi udadwethu lo usilungiselele kuhle isifundo sakhe?

• Uyisebenzise njani imibuzo ekhethwe kuhle eseqadi bona enze umfundi aveze indlela azizwa ngayo ngalokho okusencwadini ka-Isaya 41:10, 13?

• Ngimuphi umphumela ividiyo kunye namavesi weBhayibheli abe nawo emfundini?

Abantu abanengi abasazi kuhle isihlengo, namkha abasiqali njengesipho esiya kibo sivela kuZimu. (Gal 2:20) Yeke, kufuze sibasize bakhe ukukholwa esihlengweni nemhlatjelweni kaJesu.

BUKELA IVIDIYO ETHI, YAKHA UKUKHOLWA KUJESU, USEBENZISA INCWADI ETHI, “THABELA UKUPHILA NGOKUNGAPHELIKO!” BESE UPHENDULA IMIBUZO ELANDELAKO:

• Sazi njani ukuthi umfowethu lo usilungiselele kuhle isifundo sakhe?

• Uyisebenzise njani ingcenye ethi, “Hlola Okungenzasi” bona asize umfundi?

• Kubayini kuqakathekile ukuthandazela umfundi?