Sebenzisa Incwadi Ethi, Thabela Ukuphila Ngokungapheliko! Nawutjhumayelako

Qala bona sithabe kangangani ngokuba nencwajana nencwadi etja yokuraga iimfundo zeBhayibheli! Sithandazela ukuthi uJehova abusise imizamwethu yokwenza abafundi abangeziweko. (Mat 28:18-20; 1Ko 3:6-9) Siwasebenzisa njani amathulusi amatjha la?

Njengombana incwadi ethi, Thabela Ukuphila Ngokungapheliko!, kungeyokufunda iBhayibheli inendlela etja yokufundisa, landela iinqophiswezi nawulungiselelako nalokha uraga iimfundo zeBhayibheli.a

• Funda okusesihlokweneso bese nicoca ngemibuzo

• Funda imitlolo ethi, “funda” bese usiza umfundi azwisise ukuthi angakusebenzisa njani

• Dlala amavidiyo benicoce ngawo, ngokusebenzisa imibuzo eveziweko

• Linga ukufunda isahluko soke ngesikhathi sinye

Nawutjhumayelako, thoma ngokunikela umninimuzi incwajana ukubona ukuthi ukuthabela kangangani ukufunda. (Qala ibhoksi elithi, “Indlela Yokukhambisa Incwajana Ethi, Thabela Ukuphila Ngokungapheliko! Nawutjhumayeza Umuntu Kokuthoma.”) Nasele niyifunde yoke incwajana begodu umfundi afuna ukuragela phambili nokufunda ungamupha incwadi nithome ngesifundo 4. Nangabe besele nifunda incwadi ethi, Lisifundisani IBhayibheli? namkha incwadi ethi, Hlalani Ethandweni LakaZimu, ningathoma ukufunda incwadi ethi, Thabela Ukuphila Ngokungapheliko! begodu uqale ukuthi ningathoma kuphi ukuyifunda.

BUKELA IVIDIYO ETHI, SIYAKWAMUKELA ESIFUNDWENI SAKHO SEBHAYIBHELI, BESE UPHENDULA IMIBUZO ELANDELAKO:

• Khuyini abafundi abazoyifunda encwadini etja le?

• Kubayini kufuze utjengise abafundi abatjha ividiyo le?

• Ngimiphi imigomo okufuze ukhuthaze umuntu omfundelako bona azibekele yona begodu ayifikelele?—Qala itjhadi elithi, “Uzimisele ukwenzani? Lengcenye Ngayinye”