Nawufundako Zibekele Umnqopho Wokwabelana Nabanye Okufundileko

Nasifunda iBhayibheli, siyavuseleleka. Kodwana sivuseleleka khulu lokha nasicocela abanye ngezinto esizifundileko ezisisize satjhidela khulu kuJehova. IzAga 11:25 zithi: “Nanyana ngubani opha abanye amanzi bona basele, naye uzokuphiwa amanzi bona asele.”

Ukucocela abanye ngalokho esikufundileko kusisiza sikhumbule msinyana amaphuzu besiwazwisise. Ngebanga lokuthi amaphuzu lawo angasiza abanye, lokho kusenza sikuthabele ukubacocela ngesikufundileko.—IzE. 20:35.

Linga lokhu: Esikhathini esizako, funa ithuba lokucocela umuntu othileko ngalokho okufundileko. Ungacocela ilunga lomndeni, umuntu ohlanganyela naye ebandleni, umuntu osebenza naye, umuntu ofunda naye, umakhelwana namkha umuntu ohlangana naye esimini. Linga ukumhlathululela ngendlela elula nezwakalako usebenzise amezwakho.

Khumbula: Yabelana nabanye okufundileko ngomnqopho wokubakhuthaza, ingasi wokuzikhakhazisa.—1 Kor. 8:1.