Fumana Izinto EziseliZwini LakaZimu Eziligugu Ongazisebenzisa

Nasifunda iBhayibheli, sifuna izinto eziligugu ngokurhubhulula. Kodwana singazuza njani khudlwana?

Tjhejisisa imininingwana eseendabeni eziseBhayibhelini. Ngokwesibonelo, funa ukuthi ngubani owatlola ingcenye ethileko, bekayitlolela ubani begodu wayitlola nini. Bebunjani ubujamo, khuyini eyenzeka ngaphambi nangemva kwalokho?

Cabanga ngeemfundo ongazifumana ngokurhubhulula iimbuzo enjengale: ‘Abantu ebebalapho bebazizwa njani? Ngibuphi ubuntu ababutjengisako? Kubayini mina kufuze ngibe nobuntu obunjalo namkha ngibalekele ukuba nabo?’

Sebenzisa lokho okufundako mhlamunye esimini namkha endleleni ophatha ngayo abanye. Ngokwenza njalo, uzokutjengisa ukuhlakanipha kwakaZimu, njengombana iBhayibheli lithi: “Nanyana ngubani ohlakaniphileko uzozibona izintwezi.”—Rhu. 107:43.

• Ongakwenza: Tjheja ukuthi lokho okufumaneka emhlanganweni waphakathi neveke engcenyeni ethi, Izinto ZakaZimu Eziligugu, kusisiza njani sicabange bona singakusebenzisa njani lokho esikufundako. Ingcenye le ihlala inemibuzo esingazibuza yona, amaphuzu esingacabangisisa ngawo, neenthombe esingaziqalisisa.