Iindlela Zokufunda
Qunta Ukuthi Khuyini Ofuna Ukuyifunda Kokuthoma
Soke asinaso isikhathi esinengi kangako sokuba nesifundo somuntu mathupha. Yeke ungasisebenzisa njani isikhathi onaso ukuthi uzuze? Kokuthoma, sebenzisa isikhathi esaneleko kilokho okufundako. Uzokuzuza khulu lokha nawufunda imininingwana embalwa ngokuzwisisa kunokuthi ufunde imininingwana eminengi urhabile.
Yeke, qunta ukuthi khuyini ozoyifunda eqakathekileko. (Efe. 5:15, 16) Nakhu okhunye okungakusiza:
Funda iBhayibheli qobe langa. (Rhu. 1:2) Kungaba kuhle nawungathoma ukufunda izahluko zokufundwa kweBhayibheli kwaqobe veke zesifundo saphakathi neveke.
Lungiselela isifundo sesiThala nemihlangano yaphakathi neveke. Uzilungiselele nokuphendula.—Rhu. 22:22.
Njengombana uba nesikhathi, linga ukubukela nokufunda abomagazini abafundwako, amavidiyo nokhunye okutjhatjhululwe ku-jw.org.
Yenza irhubhululo ngesihloko osithandako. Ungenza nerhubhululo ngomraro oqalene nawo, umbuzo onawo namkha indaba eseBhayibhelini ongathanda ukuyizwisisa ngcono. Bona ufumane ezinye iindlela, qala ingcenye ethi “Bible Study Activities” ku-jw.org