Sebenzisa i-jw.org Ekonzwenakho​—“Yiba Mngani KaJehova”

Ingcenye ethi, “Bible Teachings” eku-jw.org ineengcenye zabantwana ezinesihloko esithi, “Yiba Mngani KaJehova” ehlanganisa iingoma, amavidiyo, neminye imisebenzi. Khe wayisebenzisa na ingcenye le ekonzwenakho? Nangabe ufunda iBhayibheli nombelethi onabantwana abancani, kubayini ungamtjengisi yona? Lokhu kungamenza bona aqale nezinye iingcenye zeZinzolwazi yethu.

Lokha nasisarhatjha i-Kingdom News No. 38, omunye umzalwana wanikela umma othileko iphetjhaneli, wathoma ukulifunda msinyana ngemva kokumnikela lona. Umma lo, bekanabantwana abancani abambalwa ebegade banekareko ngephetjhaneli. Umzalwana wacoca kafitjhani ngephetjhaneli nangalokho okungaphakathi kwalo, wabe wamkhombela esiphandeni seZinzolwazi yethu esingemva kwephetjhaneli. Njengombana umma lo atjengisa ikareko, umzalwana wasebenzisa ithubeli bona adlalele umma lo nabantwabakhe enye yamavidiyo kaCaleb asebenzisa ufunjathwako wakhe.

Udade watjela umuntu asebenza naye onabantwana ngeZinzolwazi kunye nemininingwana emalungana nemindeni. Umma lo nabantwabakhe bangena ku-jw.org. Ngemva kwesikhathi, watjela udade lo ukuthi abantwabakhe badlala ngendlini bavuma bathi, “Shumayela IZwi” okungenye yeengoma ezifumaneka esihlokweni esithi, “Yiba Mngani KaJehova.”

Jayelani neengcenye eziku-jw.org, udawnlode enye yeengoma, amavidiyo, namkha eminye imisebenzi kufunjathwako wakho nofana ekhomphyuthenakho. Uzokulungela kuhle ukusebenzisa ingcenye ye-jw.org ekonzwenakho. Leli lithulusi elihle kwamambala lokusisiza sisebenzele iKosi!—IzE. 20:19.