IZinzolwazi Yethu EsemThethweni—Yenzelwe UkuZuzisa Thina Nabanye
UJesu wasiyala bona sitjhumayele iindaba ezimnandi ngomBuso “ephasini loke, kube bufakazi eentjhabeni zoke.” (Mat. 24:14) Bona isisize ‘siyenze ngokuzeleko ikonzwethu,’ i-watchtower.org, i-jw-media.org, ne-jw.org zahlanganiswa zaba yiZinzolwazi ehlelwe kabutjha ebizwa ngokobana yi-jw.org.—2 Thi. 4:5.
“EPhasini Loke”: Pheze ingcenye yinye kezintathu enanini labantu abasephasini isebenzisa i-Inthanethi. Ibe mthombo oyihloko wokwaziswa ebantwini abanengi, khulukhulu ebantwini abatjha. Izinzolwazi yethu inikela abasebenzisi be-Inthanethi iimpendulo eziliqiniso zemibuzo yeBhayibhili. Ibenza bazi ihlangano kaJehova begodu yenza kube lula ngabo ukubawa isifundo seBhayibhili sekhaya sasimahla. Yenza bona iindaba ezimnandi zifikelele eendaweni zephasi lapho kunamathuba ambalwa wokuzwa umlayezo womBuso.
“EenTjhabeni Zoke”: Bona kunikelwe ubufakazi “eentjhabeni zoke,” iqiniso leBhayibhili kufuze lethulwe ngamalimi ahlukahlukeneko. Abantu abavakatjhela i-jw.org bangayifumana lula imininingwana pheze ngamalimi ama-400, kunanyana ngiyiphi enye iZinzolwazi.
ISebenzise Kuhle: IZinzolwazi ye-jw.org eyenziwe kabutjha ayikenzelwa ukufakaza ebantwini abangakholwako kwaphela. Yenzelwe nokobana isetjenziswe naboFakazi bakaJehova. Newunendlela yokungena ku-Inthanethi, sikukhuthaza bona uzijwayelanise ne-jw.org. Kuneemphakamiso ezilandelako zokobana ingasetjenziswa njani.
[Idayagramu esekhasini 3]
(Emagameni ahlelwe ngokuzeleko, qala incwadi)
Akhe Uyilinge
1 Ngena ku-Inthanethi bese utlola i-adresi ethi www.jw.org/nr esikhaleni esilungiselelwe lokho ekhomphyuthenakho.
2 Ihlolisise izinzolwazi le ngokugandelela ingcenye eneenhloko, irhelo ongakhetha kilo neengcenye ezikudlulisela kwamanye amakhasi.
3 Linga ukusebenzisa i-jw.org kumaliledininakho okghona ukungena ku-Inthanethi. Ikhasi liyakwazi ukuncipha lilingane kumaliledinini, kodwana ukwaziswa kuyafana.