Khuthazanani

Siyakhuthazeka lokha nasiba nesikhathi ndawonye nabafowethu nabodadwethu. Nasizakwenza iinkhathi ezinjalo bona zibe ngezikhuthazako kwamambala sitlhoga okungaphezu kokuba ndawonye. IBhayibheli lisitjela bona sikhuthazane, siqinisane ekukholweni. (Rom. 1:​11, 12) Singakwenza njani?

Khuthaza abanye ngalokho okutjhoko. Ngokwesibonelo, nawuphendulako esifundweni, tjhejisisa ungakhulumi khulu ngalokho okucabangako namkha ngokuphila kwakho, kunalokho, khuluma ngalokho okufunde ngoJehova eBhayibhelini nebantwini bakhe abathembekileko. Nawunabafowenu nabodadwenu, khuluma ngezinto ezingaqinisa ukukholwa kwabo. Khuthaza abanye.

Khuthaza abanye ngeenqunto nezenzo zakho. Ngokwesibonelo, abanye bakhethe ukulotjha uJehova isikhathi esizeleko nanyana baqalene nobudisi. Abanye bahlala bakhona emihlanganweni yaphakathi neveke, nanyana basuke badiniwe ngebanga lomsebenzi abawenzako namkha ubujamo babo bezepilo bubogaboga.

Kghani uyabakhuthaza abafowenu nabodadwenu ngezinto ozitjhoko nozenzako? Kghani uyalemuka indlela lokho abafowethu nabodadwethu abakwenzako nabakutjhoko bona bakukhuthaze?