Ingcenye 1

Umdali Ubeka Umuntu EPharadeyisini

UZimu udala izulu nephasi begodu nokuphila ephasini; udala indoda nomfazi abanganasono, ubabeka engadini ehle, begodu ubanikela imilayo bona bayilalele

AMEZWI alandelako aziwa bonyana mamezwi adumileko akhe atlolwa. “Ekuthomeni uZimu wadala amazulu nephasi.” (Genesisi 1:1) Ngomutjho obulula kodwana okarisako lo, iBhayibhili isazisa ngoMuntu oqakatheke khulu eMitlolweni ecwengekileko—uZimu umninimandla woke, uJehova. Amavesi wokuthoma weBhayibhili atjengisa bonyana uZimu Wadala koke okusezulwini kuhlanganise nephasi esihlala kilo. Amavesi alandelako atjengisa bona ngemva kwesikhathi esideso eBhayibhilini esibizwa ngokomfanekiso bona malanga, uZimu wasilungiselela iphasi nayo yoke into edaliweko ephasini.

Indalo kaZimu eqakathekileko ephasini mumuntu. Sidalwa esadalwa ngomfanekiso kaZimu—ekwazi ukulingisa ubuntu bakaJehova, njengethando nokuhlakanipha. UZimu wabumba umuntu ngethuli lehlabathi. Wambiza bonyana ngu-Adamu, wambeka epharadeyisini—engadini ye-Edeni. Isimu leyo yenziwa nguZimu ngokwakhe, wayizalisa ngeenthelo ezihle.

UZimu wabona bona umuntu utlhoga umlingani. Aberegisa ibambo laka-Adamu, wenza umfazi wamletha ku-Adamu njengomkakhe, ngokukhamba kwesikhathi wabizwa bonyana ngu-Efa. U-Adamu athabile, wenza ikulumo esakondlo, wathi: “Ekugcineni, sele akhona olithambo lamathambami, nenyama yenyamami.” UZimu wahlathulula: “Kungalokho indoda izokutjhiya uyise nonina inamathele kumkayo, bazokuba yinyama yinye.”—Genesisi 2:22-24; 3:20.

UZimu wanikela u-Adamu no-Efa imilayo emibili. Kokuthoma, wabatjela bona balime begodu batlhogomele ikhaya labo eliliphasi, balizalise ngabantwana babo. Wesibili, wabatjela bona bangadli komunye womuthi weenthelo ezisengadini, “umuthi wolwazi lokuhle nokumbi.” (Genesisi 2:17) Nengabe abalaleli, bebazokufa. Ngemilayo leyo, uZimu wanikela indoda nomfazi ithuba lokutjengisa bona bayamemukela yena njengoMbusi wabo. Ukuthembeka kwabo bekuzakutjengisa ithando labo nokuthokoza. Bebanawo woke amabanga wokumukela ukubusa kwakaZimu okulungileko. Bekubabantu abanganasono. IBhayibhili iyasitjela: “UZimu wabona koke akwenzileko, qala! kuhle kwamambala.”—Genesisi 1:31.

—Isekelwe kuGenesisi izahluko-1 no-2.

◼ IBhayibhili ikuhlathulula bunjani ukudalwa kwabantu nekhaya labo iphasi?

◼ UZimu wabalungiselela ipilo enjani indoda nomfazi?

◼ Ngimiphi imilayo uZimu ayinikela abantu ababili bokuthoma?

[Ibhoksi elisekhasini 4]

IBIZO LAKAZIMU

IMitlolo eCwengekileko iberegisa iziqu ezinengi iqalise kuZimu ezinjengokuthi, uMdali namtjhana uMninimandla woke. Ezinye iziqu ziveza iimfanelo zakaZimu njengokuthi ocwengekileko, onamandla, olungileko, ohlakaniphileko begodu nonethando. Namtjhana kunjalo, uZimu unebizo lakhe yedwa elikhethekileko elithi, uJehova. EBhayibhilini njengombana kutloliwe emalimini wokuthoma, ibizo lakaZimu livela iinkhathi ezingaba yi-7 000, ukuthoma encwadini kaGenesisi 2:4. Ibizo uJehova litjho bona “Ubangela Bonyana Kube Khona.” Kuyaduduza ukwazi bona uZimu angenza namtjhana yini esemkhumbulweni wakhe, begodu azalise neenthembiso zakhe.

[Itjhadi ekhasini 4]

● Genesisi

Eksodosi

Lefitikosi

Numeri

Duteronomi

Joshuwa

Abahluleli

Rude

1 Samuweli

2 Samuweli

1 Amakhosi

2 Amakhosi

1 Imilando

2 Imilando

Ezra

Nehemiya

Esta

Jobhi

AmaRhalani

Iziyema

Umtjhumayeli

Irhubo lamarhubo

Isaya

Jeremiya

Isililo

Ezekiyeli

Danyela

Hosiya

Juweli

Amosi

Obadiya

Jona

Mika

Nahumi

Habakuki

Zefaniya

Hagayi

Zakariya

Malaki

Matewu

Markosi

Luka

Jwanisi

IZenzo

KwebeRoma

1 KwebeKorinte

2 KwebeKorinte

KwebeGalatiya

Kwebe-Efesu

KwebeFilipi

KwebeKholose

1 KwebeTesalonika

2 KwebeTesalonika

1 kuThimothi

2 kuThimothi

KuTitosi

KuFilimoni

KumaHebheru

KaJakobosi

1 KaPitrosi

2 KaPitrosi

1 KaJwanisi

2 KaJwanisi

3 KaJwanisi

KaJuda

ISambulo