Ingcenye 2

Ilungelo Labo Lokuhlala EPharadeyisini Liyabalahlekela

Ingilozi ehlubukako ithonya indoda nomfazi bokuthoma u-Adamu no-Efa bona bangazithobi ekubuseni kwakaZimu. Ngebangelo isono nokufa kungena ephasini

NGAPHAMBI kobanyana uZimu adale abantu wadala iindalwa ezinengi zomoya—iingilozi. E-Edeni, ingilozi ehlubukako eyaziwa bona nguSathana, ngobukelemu yalinga u-Efa bona adle komunye womuthi wesithelo uZimu athe bangadli kiwo.

Aberegisa inyoka bona ikhulume, uSathana wathi, kunento ehle uZimu ayifihlela umfazi nendodakhe. Ingilozi yatjela u-Efa bona yena nendodakhe ngeze bafa nebangadla isithelo uZimu athe bangasidli. Ngendlela leyo uSathana wamangalela uZimu ngokuleya amala ebantwaneni Bakhe. UMkhohlisi lo, waveza bona ukungalandeli uZimu kuyinto ehle ezobayisa ekukhanyeni nekululekweni. Kodwana koke lokhu gade kumamala—eqinisweni kumamala wokuthoma ephasini. Ingongoma endabeni le, gade kububusi bakaZimu, bonyana ubusa ngendlela ehle nelungileko ezokuzuzisa abantu bakhe na.

U-Efa walalela amala kaSathana. Wathoma ukukhanuka isithelo, begodu wasidla. Ngokukhamba kwesikhathi wanikela indodakhe, nayo yadla. Ngalokho baba zizoni. Isenzo egade sibonakala sisincaneso, kuhle kuhle sisenzo sokuhlubuka. Ngokukhetha ukungalandeli umlayo kaZimu ngamabomu, u-Adamu no-Efa babhala ukulalela uMbusi owabapha zoke izinto, kuhlanganisa nokuphila okunganasono.

UZimu wabagweba ngesenzo sabo. Wabikezela ukuza kweNzalo namtjhana uMtjhaphululi owathenjiswako, ozokutjhabalalisa uSathana ojanyelwe yinyoka. UZimu khenge ababulale khonokho u-Adamu no-Efa, ngokwenza lokho bekatjengisa umusa ebantwaneni babo. Abantwanaba bebazakuba nesisekelo sethemba, ngombana Lowo uZimu agade azomthumela bekazokulungisa yoke imiphumela yokuhlubuka eyenzeka e-Edeni. Ukuthi umqopho kaZimu malungana noMsindisi wesikhathi esizako, uzokuzaliseka bunjani—nokubanyana Kuzokuba ngubani—kwavezwa kancani kancani njengombana ukutlolwa kweBhayibhili kuragela phambili.

UZimu wabaqothela ngaphandle kwePharadeyisi u-Adamu no-Efa. Kusukela ngesikhatheso, bekufuneka baberege budisi balime ngaphandle kwesimu ye-Edeni. U-Efa waba sidisi wabeletha izibulo labo uKayini. Baba nabanye abantwana babesana nababantazana, kuhlanganisa u-Abela noSethi uyisemkhulu kaNowa.

—Isekelwe kuGenesisi izahluko 3 ukuya ku-5; ISambulo 12:9.

◼ Ngimaphi amala wokuthoma, begodu ngubani owawakhulumako?

◼ Labalahlekela bunjani iPharadeyisi u-Adamu no-Efa?

◼ Nekagweba iinhlubuki, uZimu wabeka siphi isisekelo sethemba?

[Umkhangiso osekhasini 5]

Inzalo “izokuphadlha ihloko begodu wena uzoyiluma isithende.”—Genesisi 3:15

[Ibhoksi elisekhasini 5]

INDLELA ISONO NOKUFA OKWAFIKA NGAYO

UZimu wadala u-Adamu no-Efa banganasono, afuna baphile ngokungapheliko ePharadeyisini. Benza isono ngokungalaleli uZimu. U-Adamu no-Efa balahlekelwa ukuphelela kwabo, begodu nobuhlobo babo noMthombo wokuphila uJehova. Kusukela lokho kuya phambili, bona nenzalo yabo yoke bangena esonweni ekugcineni bafa.—Roma 5:12.

[Itjhadi ekhasini 5]

Genesisi ●

Eksodosi

Lefitikosi

Numeri

Duteronomi

Joshuwa

Abahluleli

Rude

1 Samuweli

2 Samuweli

1 Amakhosi

2 Amakhosi

1 Imilando

2 Imilando

Ezra

Nehemiya

Esta

Jobhi

AmaRhalani

Iziyema

Umtjhumayeli

Irhubo lamarhubo

Isaya

Jeremiya

Isililo

Ezekiyeli

Danyela

Hosiya

Malaki

Matewu

Markosi

Luka

Jwanisi

IZenzo

KwebeRoma

1 KwebeKorinte

2 KwebeKorinte

KwebeGalatiya

Kwebe-Efesu

KwebeFilipi

KwebeKholose

1 KwebeTesalonika

2 KwebeTesalonika

1 kuThimothi

2 kuThimothi

KuTitosi

KuFilimoni

KumaHebheru

KaJakobosi

1 KaPitrosi

2 KaPitrosi

1 KaJwanisi

2 KaJwanisi

3 KaJwanisi

KaJuda

ISambulo