Ingcenye 3

Ukusinda Kwabantu KuKhukhulamungu

UZimu utjhabalalisa abantu abambi kodwana ubulunga uNowa nomndenakhe

ISINTU sanda, begodu isono nobumbi kwarhatjheka msinyana ephasini. Kunguye yedwa umphorofidi kaZimu, u-Enoki wayelelisa abantu bona uZimu uzobatjhabalalisa abangamlaleliko. Kodwana ubumbi baragela phambili burhagala. Ezinye iingelozi zahlubuka kuJehova zatjhiya indawazo ezulwini, zazenza abantu, ngokuba marhamaru zazithathela abafazi. Ukuhlangana okungasikho kwemvelokhu, kwaveza inzalo erarako—iiNkakaramba ezinelunya ezandisa inturhu nokuphalazwa kweengazi ephasini. UZimu wezwa ubuhlungu khulu ukubona indalo yakhe yonakaliswa ephasini.

Ngemva kokuhlongakala kwaka-Enoki, gade kunenye indoda ehlukileko ephasini elonakeleko. Ibizo layo bekunguNowa. Yena nomndenakhe balinga ukwenza okulungileko emehlweni kaZimu. Kuthe lokha uZimu nakenza isiqunto sokutjhabalalisa abantu abambi ephasini, bekafuna ukuvikela uNowa neembandana. Ngalokho uZimu wamtjela bonyana akhe umkhumbi—onjengebhoksi elikhulu. Kiwo, uNowa nomndenakhe kuhlanganise nezinye zeembandana bebazokuvikelwa kukhukhulamungu ozako. UNowa wamlalela uZimu. Phakathi nesikhathi uNowa asiberegisako akha umkhumbi, gade ‘amtjhumayeli wokulunga.’ (2 Pitrosi 2:5) Wayelelisa abantu ngoKhukhulamungu ozako, kodwana akhenge bamlalele. Kwafika isikhathi sokobana uNowa nomndenakhe neembandana bangene ngemkhunjini. UZimu wavala umnyango. Izulu lana.

Izulu lana khulu iminyaka eyi-40 nobusuku obuyi-40 iphasi belaqwila. Bafa boke abambi. Ngemva kweenyangana njengombana amanzi abohla, umkhumbi wahlala phezu kwentaba. Bahlala unyaka woke ngemkhunjini. Nebaphumako, uNowa wenzela uJehova umhlabelo wokuthokoza. UZimu waqinisekisa uNowa nomndenakhe, bona angeze asatjhabalalisa iphasi ngokhukhulamungu. UJehova wabenzela izungulekosi njengesiqinisekiso esibonakalako, esibakhumbuza ngesithembiso sakhe.

Ngemva kwakaKhukhulamungu, uZimu wanikela abantu eminye imilayo emitjha. Wabavumela bona badle inyama yeenlwana. Kodwana wathi bangadli iingazi. Watjela inzalo kaNowa bona izalise iphasi, kodwana abanye khenge balalele. Abantu bahlangana ngaphasi kokubusa kwakaNimrode, begodu bathoma ukwakha isiqongolo edorobheni leBhabhele, ngokukhamba kwesikhathi labizwa bona yiBhabhiloni. Umnqopho wabo bekukuphikisana nomlayo kaZimu wokuzalisa iphasi. Kodwana uZimu wazivimbela iinhlubukezi, ngokutjharaganisa iinlimi zabo ngokubangela bonyana bakhulume iinlimi ezingafaniko. Njengombana gade bangasakwazi ukuzwana, balisa ukwakha, barhatjheka nephasi.

—Isekelwe kuGenesisi izahluko 6 ukuya ku-11; kaJuda 14, 15.

◼ Banda bunjani ubumbi ephasini?

◼ UNowa watjengisa bunjani bona gade kuyindoda ethembekileko?

◼ Ngemva kwakaKhukhulamungu, yini uZimu athi abantu bangayidli?

[Ibhoksi elisekhasini 6]

BAKHAMBA NGENDLELA KAZIMU

Inengi lenzalo ka-Adamu no-Efa akhenge lizithobe ngaphasi kokubusa kwakaJehova. Namtjhana kunjalo, bakhona abalalelako, kusukela endodanenabo ethembekileko, u-Abela. Ngokukhamba kwesikhathi, bobabili u-Enoki noNowa nabo bakhamba ngendlela kaZimu, okutjho bona baphila ngendlela ethabisa uJehova. (Genesisi 5:22; 6:9) Okunengi okutloliweko eBhayibhilini kukhuluma ngamadoda nabafazi abakhetha uZimu njengoMbusi wabo.

[Itjhadi ekhasini 6]

● Genesisi

Eksodosi

Lefitikosi

Numeri

Duteronomi

Joshuwa

Abahluleli

Rude

1 Samuweli

2 Samuweli

1 Amakhosi

2 Amakhosi

1 Imilando

2 Imilando

Ezra

Nehemiya

Esta

Jobhi

AmaRhalani

Iziyema

Umtjhumayeli

Irhubo lamarhubo

Isaya

Jeremiya

Isililo

Ezekiyeli

Danyela

Hosiya

Juweli

Amosi

Obadiya

Jona

Mika

Nahumi

Habakuki

Zefaniya

Hagayi

Zakariya

Malaki

Matewu

Markosi

Luka

Jwanisi

IZenzo

KwebeRoma

1 KwebeKorinte

2 KwebeKorinte

KwebeGalatiya

Kwebe-Efesu

KwebeFilipi

KwebeKholose

1 KwebeTesalonika

2 KwebeTesalonika

1 kuThimothi