Isethulo Sengcenye 10

UJehova yiKosi yakho koke okukhona. Bekasolo alawula begodu usazokuragela phambili nelawulo. Ngokwesibonelo, wasindisa uJoromiya nakaphoselwa ngepetsini. Wasindisa uTjhedreke, uMitjhaka no-Abhedinigo ekehleni yomlilo, wasindisa noDanyela emlonyeni wamabhubezi. UJehova wasiza no-Esta bona avikele isitjhaba sakwabo. Nanje angekhe avumele ikohlakalo isolo iraga. Iimphorofido zesithombesibunjwa esikhulu nesomuthi omkhulu zisiqinisekiso sokuthi umBuso kaJehova uzoyiqeda ikohlakalo kungasikade begodu umBuso loyo uzokubusa iphasi loke.