Isethulo Sengcenye 11

Ingcenye le yethula imiTlolo yamaKrestu yesiGirigi. UJesu wabelethelwa emndenini ophasi ohlala edorojaneni elincani. Bekasebenza noyise ombazi. UJesu nguye obekazokusindisa isitjhaba. UJehova wambeka waba yiKosi yomBuswakhe wezulwini. Nawumbelethi, siza umntwanakho abone ukuthi uJehova watjhejisisa kangangani nakakhetha umndeni nendawo uJesu akhulela kiyo. Menze atjheje indlela uJehova avikela ngayo uJesu bona angabulawa nguHerode nokuthi akukho okungavimba uJehova bona enze nanyana yini afuna ukuyenza. Mfundise nokuthi uJehova wamkhetha njani uJwanisi bona alungisele uJesu indlela. Msize abone ukuthi uJesu wakutjengisa njani kusukela asese mncani ukuthi uthanda ukuhlakanipha kwakaJehova.