Isethulo Sesahluko 12

UJesu wafundisa abantu ngomBuso wezulwini. Wabafundisa nokuthi bathandazele ukucwengiswa kwebizo lakaZimu, ukufika komBuswakhe, nokwenzeka kwentandwakhe ephasini. Nawumbelethi hlathululela umntwanakho ukuthi umthandazo lo utjho ukuthini kithi. UJesu azange amvumele uSathana bona amenze angasathembeki. UJesu wazikhethela abapostoli begodu ngibo ababa sisekelo somBuso kaZimu. Tjheja ukuthi uJesu bekayikhuthalele kangangani ikolo yeqiniso. Ngebanga lokuthi uJesu bekafuna ukusiza abanye, welapha abagulako, wapha abalambileko ukudla, wavusa nabafileko. Iimangaliswezi zoke nje zibufakazi balokho umBuso kaZimu ozokwenzela abantu.