Bekezela

Ikambisolawulo: “Ithando liyabekezela.”—1 Kor. 13:4.

Lokho UJesu Akwenzako

UJesu uya kumfowabo uJakopo esitolo sokubaza. UJakopo uyarareka nakambonako.

IVIDIYO: Ngesineke UJesu Usiza Umfowabo

1. Bukela IVIDIYO, namkha ufunde uJwanisi 7:3-5; neyoku-1 kwebeKorinte 15:3, 4, 7. Ngemva kwalokho uphendule imibuzo elandelako:

Ekuthomeni umfowabo lakaJesu wasabela njani emlayezwenakhe?
Khuyini etjengisa bona uJesu waragela phambili asiza umfowabo uJakopo?

Khuyini Esiyifunda KuJesu?

2. Kufuze sibekezele ngebanga lokuthi abanye bathatha isikhathi ukwamukela iindaba ezimnandi.

Lingisa UJesu

3. Linga ezinye iindlela. Nangabe umuntu akavumi khonokho ukufunda iBhayibheli, ungamkateleli. Nakufanelekako, sebenzisa amavidiyo namkha iinhloko ukumsiza azwisise bona kwenzekani esifundweni seBhayibheli nokuthi angazuza njani.

4. Ungamadanisi. Omunye nomunye umuntu uhlukile. Nange ilunga lomndeni namkha umuntu obuyela kuye azaza ukufunda iBhayibheli namkha ukwamukela ifundiso yeBhayibheli, cabanga ngokuthi kubayini kunjalo. Kghani kunekolo eqakatheke khulu kuye? Inga-kghani iinhlobo namkha abomakhelwana bakhe bayamgandelela? Mnikele isikhathi sokucabanga ngalokho okutjhwileko nokuthi abone ukuqakatheka kwalokho iBhayibheli elikutjhoko.

5. Thandaza ngomuntu onekareko. Bawa uJehova akusize uhlale unethemba nehlonipho. Mbawe akusize ubone nange umuntu anganakareko kuhle nokuthi kufuze ulise nini ukumvakatjhela.—1 Kor. 9:26.

GODU FUNDA

Mar. 4:26-28; 1 Kor. 3:5-9; 2 Pit. 3:9