Khuluma Ngezinto Ezithinta Abantu

Lokho UJesu Akwenzako

IVIDIYO: UJesu Nomfazi Emthonjeni

1. Bukela IVIDIYO, namkha ufunde uJwanisi 4:​6-9. Ngemva kwalokho uphendule imibuzo elandelako:

1. Khuyini uJesu ayibonako emfazini lo ngaphambi kokuthi athome ukukhulumisana naye?

2. UJesu wathi: “Akhungiseze.” Kubayini le bekuyindlela ephumelelako yokuthomisa ikulumiswano?

Khuyini Esiyifunda KuJesu?

2. Kungenzeka sibe nekulumiswano emnandi nange sithoma ukukhuluma ngezinto ezithinta umuntu loyo.

Lingisa UJesu

3. Zivumelanise nobujamo. Ungakateleli ukukhuluma ngendaba oyilungiseleleko. Thoma ukukhuluma ngento abantu abacabanga ngayo namhlanjesi. Zibuze:

1. ‘Khuyini ekukhulunywa ngayo khulu eendabeni?’

2. ‘Khuyini abomakhelwana bami, abantu engisebenza nabo namkha abantu engifunda nabo abakhuluma ngayo?’

4. Tjhejisisa. Zibuze:

1. ‘Yini umuntu ayenzako nje? Khuyini okungenzeka ucabanga ngayo?’

2. ‘Indlela umuntu lo ambethe ngayo, aqaleka ngayo namkha umzakhe kungitjelani ngalokho akukholelwako nesiko lakhe?’

3. ‘Inga-kghani lesi sikhathi esihle sokukhuluma nomuntu lo?’

5. Lalela.

1. Ungakhulumi khulu.

2. Khuthaza umuntu okhuluma naye bona aveze indlela azizwa ngayo. Nakufanelekako mbuze imibuzo.