Ukuthuthukisa Amakghonwethu Wokutjhumayela—Thoma Ngekulumo Ezokupha Ithuba Lokutjhumayela

UJesu wakghona ukutjhumayeza umfazi omSamariya ngemva kokukhuluma naye ngomusa. Singawathuthukisa njani amakghonwethu wokutjhumayela ngokucoca nabantu esingabaziko?

• Yiba nomusa, ucoce nabantu. Nanyana bekadiniwe, uJesu wathoma ikulumiswano ngokubawa amanzi kwaphela. Ungathoma ngokulotjhisa ngo- musa bese ngemva kwalokho mhlambe ungakhuluma ngobujamo bezulu, namkha ngesenzakalo esenzeke mvanje. Kufuze ukhumbule ukuthi umnqopho kuthoma ikulumiswano, yeke khuluma ngananyana ngiyiphi indaba ekungenzeka umuntu ococa naye afune ukwazi ngayo. Nangabe akaphenduli, akukho okukulahlekeleko. Linga ukucoca nomunye. Bawa uJehova bona akuphe isibindi.—Ner 2:4; IzE 4:29.

• Asebenzise amathuba wokukhuluma ngeendaba ezimnandi, kodwana ungarhabi. Vumela ingcoco izizele. Nangabe uyamkatelela, umuntu angathoma ukungatjhaphuluki, angasafuni ukukhuluma. Ungaphatheki kumbi nange ingcocwenu iphela ungakatjhumayeli. Nangabe ukufumana kubudisi ukuthoma ikulumiswano nomuntu, zifundise ukuthoma iingcoco nabantu ungakanqophi ukubatjhumayeza. [Dlala ividiyo 1 bese nicoca ngayo.]

• Linga ukuzakhela amathuba wokutjhumayela ngokukhuluma ngezinto ozikholelwako, unikele umuntu ococa naye ithuba lokobana akubuze imibuzo bese uyamhlathululela. UJesu wakhuluma ngezinto ezenza umma lo bona abuze imibuzo. Nakakhuluma ngeendaba ezimnandi, bekaphendula imibuzo kamma lo. [Dlala ividiyo 2 bese nicoca ngayo, nidlale nevidiyo 3, nicoce ngayo.]