UKUTHOMISA IKULUMISWANO
ISIFUNDO 3
Yiba Nomusa
Ikambisolawulo: “Ithando . . . linomusa.”—1 Kor. 13:4.
Lokho UJesu Akwenzako
1. Bukela IVIDIYO, namkha ufunde uJwanisi 9:1-7. Ngemva kwalokho uphendule imibuzo elandelako:
Khuyini uJesu ayenza qangi—kghani walapha indoda esiphofu namkha wacoca nayo ngeendaba ezimnandi? —Funda uJwanisi 9:35-38.
Ucabanga ukuthi khuyini eyenza indoda le yazimisela ukulalela uJesu?
Khuyini Esiyifunda KuJesu?
2. Umuntu kungenzeka afune ukuwulalela umlayezwethu nakabona ukuthi sinendaba naye.
Lingisa UJesu
3. Rhawukela umuntu okhuluma naye. Linga ukucabanga indlela azizwa ngayo.
Zibuze: ‘Khuyini okungenzeka iyamtshwenya? Yini engamsiza namkha angayithanda?’ Ukwenza njalo kuzokusiza ube nomusa ngokusuka ehliziyweni.
Tjengisa ukuthi unendaba nalokho okuqakathekileko emuntwini ngokumlalela. Nange umuntu akutjela indlela azizwa ngayo ngokuthileko namkha akhuluma ngomraro aqalene nawo, ungatjhentjhi indaba akhuluma ngayo.
4. Khuluma ngomusa nangehlonipho. Nange urhawukela umuntu begodu ufuna kwamambala ukumsiza, kuzokuzwakala endleleni okhuluma ngayo. Tjheja lokho okutjhoko nendlela okutjho ngayo, ubalekele ukutjho izinto ezingamlimaza.
5. Yiba lisizo. Funa amathuba wokusiza umuntu ngezinye iindlela. Nasiba nomusa kuye, kungenzeka akuthabele ukukhuluma nathi.