Yiba Nesirhawu

Ikambisolawulo: “Thabani nabathabako, lilani nabalilako.”—Rom. 12:15.

Lokho UJesu Akwenzako

UJesu nabafundi bakhe basuka esikepeni baya esiqubuthwini esibalinde magega nelwandle.

IVIDIYO: UJesu Urhawukela Isiqubuthu

1. Bukela IVIDIYO, namkha ufunde uMarkosi 6:30-34. Ngemva kwalokho uphendule imibuzo elandelako:

Kubayini uJesu nabapostoli bakhe bebafuna ‘ukuba bodwa’?
Yini eyenza uJesu wafuna ukufundisa isiqubuthu?

Khuyini Esiyifunda KuJesu?

2. Sifuna ukutjela abantu ngeendaba ezimnandi kodwana ifuna nokubasiza.

Lingisa UJesu

3. Lalelisisa. Vumela umuntu akhulume ngendlela azizwa ngayo. Ungamphazamisi namkha ungayiphayeli eqadi msinya indlela azizwa ngayo, izinto ezimtshwenyako namkha izinto angazizwisisiko. Ngokulalelisisa kuhle uyatjengisa ukuthi unendaba nalokho akucabangako.

4. Cabanga ngomuntu onekareko. Malungana nendaba enicoca ngayo, zibuze:

‘Kubayini kufuze alazi iqiniso?’
‘Ukufunda kwakhe iBhayibheli kungenza njani ukuphila kwakhe kwaqobe nengomuso lakhe libe ngcono?’

5. Khulumani ngezinto ezizomsiza. Msinyana mtjengise indlela isifundo seBhayibheli esingaphendula ngayo imibuzwakhe, simsize nangezinye iindlela ekuphileni kwakhe.

GODU FUNDA

Rom. 10:13, 14; Flp. 2:3, 4; 1 Pit. 3:8