IMIBUZO YEBHAYIBHILI IYAPHENDULWA

Ungayizwisiza iBhayibheli na?

IBhayibheli liLizwi lakaZimu. Linjengencwadi evela kubaba onethendo. (2 Thimothi 3:16) EBhayibhelini, uZimu uhlathulula bona singamthabisa njani, kubayini avumela ubumbi nokuthi yini azoyenzela abantu esikhathini esizako. Kodwana abefundisi bezekolo basonge ifundo yeBhayibheli; benza abantu abanengi bacabanga bona angekhe bakghone ukuyizwisisa iBhayibheli.—IzEnzo 20:29, 30.

UJehova uZimu ufuna sazi iqiniso ngaye. Ngonobangela loyo, usinikele incwadi esingakghona ukuyizwisisa.—Funda 1 Thimothi 2:3, 4.

Ungayizwisisa njani iBhayibheli?

Ngaphezu kokusinikela iBhayibheli, uJehova usinikela isizo lokuyizwisisa. Uthumele uJesu ukuzosifundisa. (Luka 4:16-21) UJesu usize iinlaleli zakhe bona zizwisise iMitlolo, aqalisela evesini elinye ngemva kwelinye.—Funda uLuka 24:27, 32, 45.

UJesu wathoma ibandla lobuKrestu khona umsebenzi awuthomileko uzokuragela phambili. (Matewu 28:19, 20) Namhlanje, abalandeli bakaJesu abazinikeleko basiza abantu bona bazwisise lokho okufundiswa yiBhayibheli ngoZimu. Nengabe ufuna ukuzwisisa iBhayibheli, aboFakazi BakaJehova bazokuthabela ukukusiza.—Funda IzEnzo 8:30, 31.