IMIBUZO YEBHAYIBHELI IYAPHENDULWA

Kubayini kubudisi kangaka bona kube nokuthula ephasini?

IBhayibheli iveza iinzathu eembili eziyihloko. Sokuthoma, nanyana abantu benze izinto ezikarako, abakabunjwa banekghono lokunqophisa amagadangwabo. Sesibili, iinhlangano zabantu zibhalelwe ngombana “iphasi loke lisemandleni womumbi,” uSathana uDeveli. Ngalokho, iimzamo yabantu yokuletha ukuthula ephasini iyabhalelwa.—Funda uJoromiya 10:23; 1 Jwanisi 5:19.

Njengombana abantu bazifunela kwabo godu bafuna nokuvelela benza kube budisi bona kube nokuthula ephasini. Ngurhulumende wephasi kwaphela ongaletha ukuthula, ufundise abantu bona bathande okulungileko begodu batlhogomelane.—Funda u-Isaya 32:17; 48:18, 22.

Ngubani ozokuletha ukuthula ephasini?

UZimu uMninimandla woke uthembise ukuletha umbuso ozokubusa abantu boke. Uzokujamiselela aborhulumende babantu. (Danyela 2:44) INdodana kaZimu, uJesu izokubusa njengeKosi yokuThula. Uzokuphelisa boke ubumbi ephasini begodu afundise abantu indlela yokuphila ngokuthula.—Funda u-Isaya 9:6, 7; 11:4, 9.

Kwanje, iingidi zabantu ephasini loke zinqotjhiswa nguJesu bona zisebenzise iliZwi lakaZimu, iBhayibheli, ukufundisa abantu indlela yokuphila ngokuthula nabanye. Msinyana, iphasi loke lizokuba nokuthula.—Funda u-Isaya 2:3, 4; 54:13.