Kubayini Abantu Banganakho Ukuthula?​—Lithini IBhayibheli?

Abarholi bephasi nebeenhlangano zeentjhaba abakghoni ukuletha ukuthula. Namhlanjesi, kunezipi ezinengi khulu kunalezo ekhezaba khona kusukela ngePi yePhasi II. Abantu abangaba mabhiliyoni amabili​—okusiquntu sabantu abakhona ephasini—​baphila eendaweni ezinezipi.

Kubayini abantu bangabi nokuthula? Lithini iBhayibheli?

Amabanga amathathu enza abantu bangakghoni ukuletha ukuthula

1. 1. Abantu baveza imikghwa ebavimbela nokuthi balinge ukwenza ukuthula. IBhayibheli labikezela ukuthi esikhathini sethu, “abantu bazakuba ngabazithandako, abathanda imali, abazikhakhazisako, abazibona bangcono kunabanye, . . . abangakathembeki . . , abangafuni isivumelwano, . .  abangazibambiko, abanelaka, . .  abanekani, abakhukhumele ngokuzigqaja.”​—2 Thimothi 3:2-4.

2. 2. Abantu, kungaba mumuntu munye namkha isiqhema, abanalo ikghono lokurarulula imirarwabo ngaphandle kwesizo loMdali wabo uJehovaa uZimu. IBhayibheli liveza ukuthi “umuntu akakghoni ukunqophisa ngitjho namagadangwakhe.”​—Joromiya 10:23.

3. 3. Iphasi lingaphasi kwelawulo lombusi okhahlakeleko nonamandla, uSathana uDeveli, ‘odurhisa iphasi loke.’ (IsAmbulo 12:9) ‘Iphasi nalisese semandleni kaSathana,’ kuzokuba nepi nenturhu.​—1 Jwanisi 5:19.

Ngubani ongaletha ukuthula?

IBhayibheli liyasiqinisekisa ukuthi ukuthula kuzokuba khona kodwana angeze kulethwe babantu, kuzokulethwa nguZimu.

• “‘Ngombana ngiyazi kuhle imicabango enginayo ngani,’ kutjho uJehova, ‘micabango yokuthula, ingasi yehlekelele, bona ngininikele ingomuso nethemba.’”​—Joromiya 29:11.

UZimu uzosizalisa njani isithembisweso? “UZimu onikela ukuthula uzokutshidlha uSathana.” (Roma 16:20) UZimu uzokusebenzisa urhulumende wezulwini, iBhayibheli eliwubiza ngokuthi ‘mBuso kaZimu,’ bona ulethe ukuthula ephasini loke. (Lukasi 4:43) Lokha iKosi yomBuso lo, uJesu Krestu nakabusa iphasi, abantu bazokufundiswa bona bangahlala njani ngokuthula.​—Isaya 9:6, 7.

• Bona ufunde okungeziweko, funda isihloko esithi, “Khuyini Ezokwenziwa MBuso KaZimu?”