IMIBUZO YEBHAYIBHELI IYAPHENDULWA

Kubayini sithandazela ukufika komBuso kaZimu?

UmBuso kaZimu ungurhulumende wezulwini. UJesu watjela abalandeli bakhe bonyana bawuthandazele bona ufike khona uzakuletha ubulungiswa nokuthula ephasini. Awukho umbuso ongaqeda, inturhu, ukungabi nobulungiswa namalwelwe unomphela, kodwana mBuso kaZimu kwaphela ongenza lokho begodu uzokwenza. UZimu ukhethe iNdodanakhe, uJesu, ukuthi kube nguye iKosi yomBuso. UJehova naye wakhetha isiqhema esibalandeli bakaJesu bona sibe babusi kunye noJesu emBusweni loyo.—Funda uLukasi 11:2; 22:28-30.

Ingasikade, umBuso kaZimu uzokuthatha amagadango ngalabo abajamelene nokubusa Kwakhe. Ngalokho-ke ukuthandazela umBuso kaZimu bona ufike kusibawo sokobana urhulumende kaZimu ujamisele boke aborhulumende babantu.—Funda uDanyela 7:13, 14; IsAmbulo 11:15, 18.

Kubayini abantu bazokuzuza ngaphasi kokubusa komBuso kaZimu?

UJesu uyiKosi yamambala ngebanga lokuthi unomusa. NjengeNdodana kaZimu, ubuya godu abenamandla wokutlhogomela boke ababawa isizo lakaZimu.—Funda IRhubo 72:8, 12-14.

UmBuso kaZimu uzokuzuzisa boke abathandaza ngokuthembeka babawa ukuthi ufike begodu abaphile ngokuvumelana nentando kaZimu. Angeze wazisola ngokufunda kwakho ngalokho okutjhiwo yiBhayibheli ngomBuso kaZimu.—Funda uLukasi 18:16, 17; Jwanisi 4:23.

Bona ufumane imininingwana engeziweko, qala isahluko 17 sencwadi le, egadangiswa boFakazi bakaJehova

Ungayidawnloda ku-www.jw.org/nr