Lithini IBhayibheli?
Uyini umBuso kaZimu?
ABANYE ABANTU BAKHOLELWA ukuthi ngokuthileko okungehlizweni yomuntu okutjho ukuthi umuntu loyo ubuswa nguZimu; abanye bacabanga ukuthi mizamo yabantu yokulinga ukuletha ukuthula nokuzwana. Wena ucabangani?
OKUTJHIWO YIBHAYIBHELI
“UZimu wezulwini uzakujamisa umbuso ongasoze wapheliswa . . . Uzakutshidlha bewuphelise yoke imibuso [yabantu].” (Danyela 2:44) UmBuso kaZimu ngurhulumende wamambala.
OKHUNYE ESIKUFUNDA EBHAYIBHELINI
UmBuso kaZimu ubusa usezulwini.—Matewu 10:7; Lukasi 10:9.
UZimu usebenzisa umBuswakhe lo ekuzaliseni intando yakhe ezulwini nephasini.—Matewu 6:10.
Uzokufika nini-ke umBuso kaZimu?
UNGATHI . . .
Akekho owaziko
Kungasikade
Angekhe ufike
OKUTJHIWO YIBHAYIBHELI
“Ivangeli lombusweli lizakutjhunyayelwa ephasini loke, kube bufakazi kizo zoke izizwe ngaphambi kobana kufike isiphetho.” (Matewu 24:14) Nasezitjhunyayelwe yoke indawo iindaba ezimnandezi, umBuso uzokuza uqede iphasi elonakelekweli.
OKHUNYE ESIKUFUNDA EBHAYIBHELINI
Akhekho namunye ephasini owaziko bona uzokufika nini umBuso kaZimu.—Matewu 24:36.
Isiphorofido seBhayibheli siveza bona umBuso lo uzokufika kungasikade.—Matewu 24:3, 7, 12.