Ukukhanjiswa Kwemmemo ZeSikhumbuzo Ukuthoma Ngo-Apreli 2
1. Immemo zeSikhumbuzo zizokukhanjiswa nini nonyaka, begodu liqakatheke ngani ijimeli?
1 Ukuthoma ngo-Apreli 2 ukuya ku-Apreli 17, sizobe sikhambisa immemo zesenzakalo esiqakatheke khulu emnyakeni—iSikhumbuzo sokufa kwakaKrestu. Esikhathini esidlulileko abantu abanengi abanekareko basabela ejimeni lomnyakeli. Isibonelo, ngelanga leSikhumbuzo, omunye umfazi wadosela i-ofisi legatja umtato wathi: “Ngisanduk’fika ekhaya, ngifumene isimemo ngaphasi komnyango. Ngifuna ukuya, kodwana angiqiniseki ngesikhathi.” Umzalwana wahlathulula bona ukwazisokhu angakufumanaphi esimemweni sakhe. Umfazi lo waphetha ingcocwakhe ngokuthembisa, “Ngiya esenzakalweni senu ebusuku banamhlanje!”
2. Khuyini esingayitjho nesikhambisa isimemo?
2 Indlela Esizosikhambisa Ngayo: Njengombana sinesikhathi esincani sokuhlanganisa isimu, kungcono ukufitjhanisa. Singathi: “Lotjhani. Sifuna ukunikela umndenakho isimemo nasi sesenzakalo somnyaka esiqakathekileko esizokugidingwa ephasini mazombe ngoSondarha, Apreli 17.” [Nikela umninimuzi isimemo.] Ilangelo lilanga lokukhumbula ukufa kwakaJesu. Kuzokunikelwa ikulumo yeBhayibhili yasimahla ehlathulula bona singazuza njani esihlengweni sakaKrestu. Isimemwesi sitjengisa ikheli nesikhathi somhlangano endaweni yekhethu.”
3. Singakwazi njani ukumema abantu abanengi ngendlela esingakghona ngayo?
3 Nengabe ibandla linesimu ekulu, abadala banganitjela bona nitjhiye immemo emakhaya anganabantu nizibeki lapho zingekhe zibonwe ngabanye abantu. Qinisekani ngokumema amabuyelwenu, iinhlobo, abantu enisebenza nabo, enifunda nabo nenihlangana nabo. Newuhlangayela ekukhambiseni immemo ngepelaveke, khambisa nabomagazini nekufanelekako. Ungakwazi na ukuba liphayona lesigiyani ngo-Apreli bese uba nengcenye ekulu ejimeni elithabisakweli?
4. Kubayini sifuna bona abanekareko babe khona eSikhumbuzweni?
4 Qala bona bufakazi obunamandla kangangani abanekareko abazobufumana! Bazokuzwa ngethando lakaJehova elikhulu ngokunikela ngesihlengo. (Jwa. 3:16) Bazokufunda indlela uMbuso kaZimu ozobazuzisa ngayo abantu. (Isa. 65:21-23) Godu bazokutjelwa bona bangakhuluma nabalindi babawe isifundo seBhayibhili. Kumthandazwethu bona abanengi abanekareko yokufunda ngoJehova basabele ejimeneli, bahlanganyele nathi eSikhumbuzweni!