“Nibe Nomusa”
1. Khuyini abantu abayitlhoga khulu namhlanjesi?
1 Akukhenge khekwenzeke ngaphambilini emlandweni bona abantu abanengi kangaka batlhoge isizo lomusa. Ukuphiphila kobujamo bephaseli kuphumele emazizweni andileko wokutlhoga ithabo, ukugandeleleka, nokuphelelwa lithemba. Iingidi zitlhoga isizo, begodu thina njengamaKrestu sisebujamweni bokutjengisa ukutshwenyeka kwamambala ngabomakhelwana bethu. (Mat. 22:39; Gal. 6:10) Singakutjengisa njani ukutshwenyeka okunjalo?
2. Ngiyiphi indlela engcono khulu yokutjengisa umusa?
2 Umsebenzi Womusa: NguZimu kwaphela omthombo weqiniso, nenduduzo ehlala njalo. (2 Kor. 1:3, 4) UJehova usibawa bona simlingise ngokuba “nomusa,” begodu usinikele umyalo wokuvakatjhela abomakhelwana bethu ngeendaba ezimnandi zoMbuso. (1 Pit. 3:8) Ukwenza koke esingakwenza emsebenzini lo yindlela ehle khulu yokududuza “abaphuke iinhliziyo,” ngombana uMbuso kaZimu ngiwo kwaphela olithemba lesintu esitlhagako. (Isa. 61:1) Ngebanga lomusa ngabantu bakhe, uJehova msinyana uzokuqeda ubumbi begodu uzokwenza iphasi elitjha lokulunga.—2 Pit. 3:13.
3. Singabaqala njani abantu njengombana uJesu enza?
3 Qala Abantu ngendlela uJesu Abaqala Ngayo: Ngitjho nalokha atjhumayela esiqubuthwini esikhulu, uJesu wabona okungaphezu kwesiqubuthu sabantu. Waqala umuntu ngamunye njengotlhoga isizo elingokomoya. Gade banjengezimvu ezinganamelusi ozinqophisako. Ihliziyo kaJesu yathinteka ngalokho akubonako, begodu watjhukumiseleka bona azifundise ngesineke. (Mar. 6:34) Ukuqala kwethu abantu ngendlela uJesu abaqala ngayo kuzosikhuthaza bona sitjengise umusa wamambala kibo ngabanye. Lokhu kuzokubonakala endleleni esikhuluma ngayo nangobuso bethu. Ukutjhumayela kuzokuba yinto eza qangi kithi, begodu sizokulungisa amezwethu bona sikhulume nomuntu ngamunye ngokweentlhogo zakhe.—1 Kor. 9:19-23.
4. Kubayini kufuze simbathe umusa?
4 Isiqubuthu esikhulu sabantu esivela kizo zoke iintjhaba sisabela kuhle emlayezweni woMbuso nekarekweni esitjengiswa yona. Njengombana siragela phambili simbatha umusa, sizokudumisa besithabise uZimethu onomusa, uJehova.—Khol. 3:12.