UJehova Usibandulela Ukwenza Umsebenzi Lo
1. Khuyini uJehova akwenzako nekanikela abantu isabelo?
1 UJehova nekanikela abantu isabelo, ubanikela nesizo elifaneleko lokusenza. Ngokwesibonelo, uJehova nekatjela uNuwa bona akhe umkhumbi, okuyinto uNuwa angazange ayenze ngaphambilini, wamtjela nokobana angawenza njani. (Gen. 6:14-16) Ngesikhathi umelusi othobekileko uMosisi abelwe ukuyokukhuluma namadoda amadala wakwa-Israyeli, noFaro, uJehova wamqinisekisa: “Mina ngokwami ngizokuba mlomo wakho, begodu ngizokufundisa lokho okufanele ukutjho.” (Eks. 4:12) Nekuziwa esabelweni sethu sokutjhumayela iindaba ezimnandi, uJehova akakasitjhiyi sodwa. Usibandulela ukwenza umsebenzi lo ngeSikolo Sekonzo Sezulwini nangoMhlangano Wekonzo. Singazuza njani ekubandulwenokhu?
2. Singazuza njani eSikolweni Sekonzo Sezulwini?
2 Isikolo Sekonzo Sezulwini: Lungiselela indaba ehleliwe ngaphambi kokuya komunye nomunye umhlangano. Njengombana ubona indlela abafundi abakusebenzisa ngayo lokhu eenkulumweni zabo, uzokuthuthuka endleleni yakho yokufundisa. (Iziy. 27:17) Iza nencwadakho Yesikole Senkonzo emhlanganweni bese uyisebenzise njengencwadi yokutlola amaphuzu. Njengombana umbonisi wesikolo aqalisela kiyo ngemva kwenye nenye ikulumo yomfundi, dwebela amaphuzu ayihloko ongathanda ukuwasebenzisa, bese usebenzisa isikhala esingeqadi ukutlola amaphuzu. Nokho, indlela engcono khulu yokuzuza esikolwenesi, kukuba nengcenye. Sewutlolisile? Newufumana isabelo sekulumo, lungiselela kuhle bese usebenzise iseluleko osifumeneko. Newusekonzweni, sebenzisa lokho okufundileko.
3. Khuyini okungasisiza sizuze eMhlanganweni Wekonzo?
3 UMhlangano Wekonzo: Sizokukhumbula kuhle ukusikisela okunikelwe phakathi nomhlangano nesilungiselela kusesengaphambili bona siphendule. Nesirhunyeza iimpendulo zethu, sizokunikela nabanye ithuba lokobana baphendule. Iqalisise kuhle iimboniso, bese usebenzise nanyana ngikuphi ukusikisela okuphumelelako ongathanda ukukusebenzisa ekonzweni. Zibekele amakhophi we-Konzwethu YoMbuso aneenhloko ezingakuzuzisa ekonzweni yakho.
4. Kubayini kufuze siyisebenzise kuhle ifundo bandulo engokwaphezulu?
4 Njengezabelo ezanikelwa uNuwa noMosisi, isabelo sethu sokutjhumayela iindaba ezimnandi ephasini loke, naso sisitjhijilo. (Mat. 24:14) Singaphumelela nengabe sithembela kuJehova, uMfundisi wethu Omkhulu, nokulisebenzisa kuhle ibandulo asinikela lona.—Isa. 30:20.