IZinzolwazi Yethu EsemThethweni—ISebenzise EKonzwenakho
Khuthaza Abantu Bona BaSebenzise IZinzolwazi: Abanye abantu abazaza ukukhuluma nathi nofana ukwamukela iincwadi zethu bathanda ukuhlolisisa ngaboFakazi bakaJehova ngokuqala ku-jw.org ngemsitheleni emakhayenabo. Ngalokho-ke nekuvela ithuba, tjela abanye ngeZinzolwazi.
IPhendula ImiBuzo: Ngesinye isikhathi umninimuzi onekareko, nofana osebenza nabo bangabuza ngaboFakazi bakaJehova nofana ngeenkolelo zethu. Mtjengise ipendulo khonapho ngokusebenzisa ufunjathwako namtjhana ikhomphyutha. Kuyinto ehle ukufunda imitlolo ngokunqophileko eBhayibhilinakho. Newungakghoni ukungena ku-Inthanethi, mhlathululele bona angasebenzisa i-jw.org bonyana azitholele iimpendulo.—Vula ingcenye ethi “Bible Teachings/Bible Questions Answered” namtjhana “Ukwazi Ngathi/Okubuzwako.”
Thumela IsiHloko Namtjhana INcwadi Kothileko Omaziko: Hlanganisa i-PDF namtjhana i-EPUB edawnlodiweko ku-e-mail. Namtjhana udawnlodele igadangiso elalelwako lencwadi ku-CD. Kesinye nesinye isikhathi newunikela umuntu ongakabhabhadiswa incwadi epheleleko nge-electronic, incwajana namtjhana umagazini, ungayibika. Ukwazisokho akukafuzi kuthunyelwe kunganabizo namtjhana kuthunyelwe kukunengi. Akukafuzi kudawnlodelwe kenye iZinzolwazi ye-Inthanethi.—Vula ingcenye ethi “Iincwadi.”
MTjengise IiNdaba Zamva Nje NgaboFakazi BakaJehova: Lokhu kuzokusiza iimfundo zeBhayibhili nabanye obavakatjhelako bona bawazise umsebenzi wethu wephasi loke nobunye bethu bobuKrestu. (Rha. 133:1)—Vula ingcenye ethi “News.”
[Idayagramu esekhasini 5]
(Emagameni ahlelwe ngokuzeleko, qala incwadi)
Akhe Uyilinge
1 Ngaphasi kwengcenye ethi “Iincwadi,” fumana lokho ofuna ukukudawnloda, gandelela phezu kwalokho okutloliweko namtjhana okulalelwako okufunako.
2 Gandelela ikunupe ethi MP3 izokuveza irhelo leenhloko. Gandelela isihloko bona usidawnlode nofana ▸ usilalele ku-inthanethi.
3 Khetha elinye ilimi erhelweneli newufuna ukudawnloda incwadi ngelimelo.