IinTjumayelo EzizimBonelo

IJima LokuMema NgesiKhumbuzo

“Lotjhani. Sizokunikela umndenakho isimemwesi sesenzakalo esiqakathekileko saqobe mnyaka esizokubanjwa ephasini mazombe ngoMatjhi 26. Sikhumbuzo sokufa kwakaJesu. Kuzokunikelwa ikulumo yeBhayibhili yasimahla ezokuhlathulula indlela ukufa kwakhe okungasisiza ngayo. Isimemwesi sitjengisa isiphande nesikhathi somhlangano wesikhumbuzo ozokubanjelwa emphakathini wethu.”

ISithalasokulinda Matjhi-Apreli

“Singathanda ukuzwa umbonwakho ngomuntu othileko ohlonitjhwa khulu maKrestu. Umuntu loyo nguMosisi. Khuyini efika qangi enqgondwenakho newuzwa ibizo lakhe? [Lindela ipendulo.] Nanyana enza imitjhapho, kuyathabisa indlela iBhayibhili elimhlathulula ngayo uMosisi. [Funda uDuteronomi 34:10-12.] Umagazini lo ukhuluma ngeemfanelo zakhe eentathu ezihle nangendlela esingamlingisa ngayo.”

Phaphama! Matjhi

“Uyavuma na bona lesi akusisikhathi esilula sokukhulisa abantwana? [Lindela ipendulo.] Ababelethi abanengi bafumene isiluleko esihle eBhayibhilini. Ngokwesibonelo, iveseli lisize abobaba bona baqale amathuba wokubuka begodu nokwakha ukuzithemba kwabantwababo. [Funda uKholose 3:21.] Isihlokwesi sinikela iinkambisolawulo ezihlanu ezisisekelo zokusiza abobaba.”