Iimtjumayelo Ezizimbonelo

IJima Lokumema NgesiKhumbuzo

“Sikhambisa isimemo sesenzakalo esiqakatheke khulu. Ngo-Apreli 14, iingidi zabantu ephasini loke zizabe zihlangane bona zikhumbule ukufa kwakaJesu Krestu zilalele nekulumo yeBhayibheli yasimahla etjengisa indlela ukufa kwakhe okusizuzisa ngayo. Isimemwesi sitjengisa indawo nesikhathi somhlangano wesikhumbuzo ozokubanjelwa emphakathinethu.”

IsiThala Matjhi-Apreli

“Abantu abanengi bacabanga bona ukufa kukuphela kwakho koke. Ucabangani? [Lindela ipendulo.] IBhayibheli liyathembisa bona kuzokwenzekani ngabahlongakeleko bethu. [Funda uDanyela 12:2a.] Isihloko esisekhasini 6 somagazini lo sihlathulula bona ukufa akusikuphela kwakho koke.”

Phaphama! Apreli

“Sinivakatjhele bona sicoce ngomraro ojayelekileko. Abanye abantu bazizwa bagandeleleke khulu ngobujamo babo bokuphila kangangobana bacabanga nokuzibulala. Umuntu nakagandelelekileko, ucabanga bona uyakufuna kwamambala ukufa, nofana ucabanga bonyana ufuna ukutjhaphuluka emtlhagwenakhe? [Lindela ipendulo.] Nasi isithembiso seBhayibheli esisize inengi bona libulunge umbono omuhle. [Funda IsAmbulo 21:3, 4.] Umagazini lo uveza amabanga amathathu amahle bona umuntu aragele phambili aphila naphezu kwemiraro aqalane nayo.”