“Ngizoyithatha Incwadakho Nengabe Uthatha Yami”
Le yindlela abanye abaninimuzi abasabela ngayo. Njengombana singakhambisi iincwadi zethu zokufunda iBhayibheli kwaphela bona sifumane iincwadi zekolo ezirhatjha amala, singabaphendula njani ngokuhlakanipha? (Rom. 1:25) Singathi: “Ngiyathokoza ngokungipha incwadi le. Ithini ngokurarulula imiraro yabantu? [Lindela ipendulo. Nekakubawa bona ufunde incwadakhe ukufumana ipendulo, ungamkhumbuza bona awukamkhambiseli incwadi ngaphandle kokumtjela bonyana imumetheni. Ngemva kwalokho funda namtjhana udzubhule uMatewu 6:9, 10.] UJesu wathi umBuso kaZimu uzokubangela bona intando kaZimu yenzeke ephasini. Ngalokho, ukuphela kwencwadi yekolo engiyifundako ngekhuluma ngomBuso kaZimu. Ngingakutjengisa eBhayibhelini ngokukhethekileko ezinye izinto umBuso kaZimu ozozenza?”