I-Kingdom News No. 38 Izokukhanjiswa NgoNovemba!
1. Ngimiphi imibuzo abantu abanayo ngabahlongakeleko, begodu imibuzo le izokuphendulwa njani ngoNovemba?
1 Ukufa linaba labo boke abantu, kungakhathaliseki bona banaziphi iinkolelo. (1 Kor. 15:26) Abanengi bayazibuza bona bakuphi abahlongakeleko nokobana bazobabona godu. Ngalokho-ke, amabandla ephasini loke azokuhlanganyela ejimeni lenyanga yoke lokukhambisa i-Kingdom News No. 38, enesihloko esithi, “Kazi Abahlongakeleko Bangabuye Baphile?” Ijima elikhethekilekweli lizokuthoma ngoNovemba 1. Ngemva kokukhanjiswa okukhethekileko, i-Kingdom News No. 38 izokusetjenziswa esimini njengephetjhana.
2. I-Kingdom News No. 38 yenziwe njani?
2 Indlela Eyenziwe Ngayo: I-Kingdom News No. 38 yenziwe ngendlela esongiweko bona isigubuzeso sangaphambili sitjengise isihloko esikarisako ngamezwi athi, “Kghani bewungaphendula ngokuthi . . . iye? awa? mhlamunye?” Umfundi nekavula i-Kingdom News, uzokubona lokho iBhayibheli ekutjhoko ekuphenduleni umbuzo osesihlokweni nalokho isithembiso salo esingakutjho kuye. Godu uzokubona amabanga wokobana kubayini angakholelwa eBhayibhelini. Isigubuzeso sangemva kwe-Kingdom News sitjhiya umbuzo okarisako angacabanga ngawo begodu umdosele ekufundeni okungeziweko.
3. Izokukhanjiswa njani i-Kingdom News No. 38?
3 Indlela Ezokukhanjiswa Ngayo: Ijimeli lizokufana namajima wokukhambisa iimemo zesiKhumbuzo nezomhlangano wesigodi. Abadala bazokunikela isinqophiso sokobana isimu izokuhlanganiswa njani, ngokuvumelana nencwadi abayifumana ngo-Apreli 1, 2013. Amabandla anesimu encani angabawa ukusiza amabandla aseduze anesimu ekulu. Nawuthatha inani lama-Kingdom News No. 38, khumbula ukuthatha kwaphela ozolisebenzisa iveke yinye. Hlangana nejima, amakhophi angakhanjiswa ekufakazeni kwatjhatjhalazi ngemva kokobana isimu yendlu ngendlu ihlanganisiwe. Nangabe woke amakhophi akhanjisiwe ngaphambi kokuphela kwenyanga, ukukhanjiswa kwabomagazini kungenziwa. NgoMgqibelo wokuthoma, sizokudzimelela ekuhlanganyeleni ejimeni elikhethekileko kunokuthomisa iimfundo zeBhayibheli. Ngeempelaveke, kufuze sikhambise abomagazini nakufanelekako. Uyawenza na amalungiselelo wokuhlanganyela ngokuzeleko ejimeni elikhethekilekweli?