Sebenzisa IZinzolwazi Yethu Ukufundisa Abantwana Bakho
1. Uyini umnqopho wengcenye ekuZinzolwazi yethu enesihloko esithi, “Children”?
1 IZinzolwazi yethu, i-jw.org, yenzelwe ukukara abantu babo boke ubudala. Ingcenye yeZinzolwazi enesihloko esithi, “Children” (iya ku-Bible Teachings > Children) isiza abantwana abancani nababelethi babo bona batjhidelane begodu batjhidele nakuJehova. (Dut. 6:6, 7) Ungayisebenzisa njani ingcenye le ukufundisa abantwabakho?
2. Ungakhetha njani imininingwana eningayifunda efanele iminyaka yabantwabakho?
2 Zivumelanise Nobujamo: Umntwana ngamunye uneentlhogo ezihlukileko. (1 Kor. 13:11) Ngalokho, ungakhetha njani imininingwana eningayifunda efanele iminyaka yabantwabakho? Zibuze: ‘Khuyini ezokukara abantwabami? Bazokuzwisisa kangangani? Bazokuhlala isikhathi eside kangangani balalelisisile ekufundeni isihlokweso?’ Abantwana abaneminyaka emithathu nofana abancani, ungacoca nabo ngeendatjana ezifumaneka ngaphasi kwesithi, “My Bible Lesson.” Eminye imindeni ithabela iindatjana zeBhayibheli engcenyeni ethi, “Teach Your Children.” Godu, cabangela iimphakamiso ezilandelako.
3. Ababelethi bangazisebenzisa njani ngokuphumelelako iindatjana nemisebenzi efumaneka ngaphasi kwengcenye ethi, “Family Worship Projects”?
3 Imisebenzi Yokukhulekela Komndeni: Imisebenzi le mathulusi wokusiza iinhloko zemindeni ukufunda nabantwababo. Bona ufunde indlela yokusebenzisa iindatjana nemisebenzi, gandelela ikunubhe yokudawnloda, bese ufunda ingcenye ethi, “Parents’ Guide” isifundo ngasinye. Sebenzisa ingcenye yokufunda ngeenthombe, njengokufaka imibala eenthombeni, bona ufundise abantwabakho abancani. Siza abantwana abakhudlwana ukuqedelela umsebenzi abawunikelweko engcenyeni le. Yoke imisebenzi esesifundweni ngasinye ihlobana nendaba yeBhayibheli nofana isifundo, ngalokho abantwana babo boke ubudala bangahlanganyela emsebenzini ofanako wokukhulekela komndeni.
4. Khuyini efumaneka engcenyeni ethi, “Become Jehovah’s Friend”?
4 Yiba Mngani KaJehova: Amavidiyo, iingoma, nemisebenzi ezisengcenyeni yeZinzolwazi yethu le zisiza ababelethi ukufundisa abantwana abancani iliZwi lakaZimu. (Dut. 31:12) Ividiyo yabopopayi ngayinye efitjhani ifundisa isifundo esiqakathekileko. Ukufunda ngeenthombe kugandelela ukuqakatheka kweemfundwezo. Njengombana abantwana kanengi bathanda ukucula—begodu iingoma zisiza abantwana ukukhumbula lokho abakufundileko—iingoma zomBuso neengoma ezitlolelwe ngokukhethekileko abantwana zifakwa qobe.
5. Kubayini ababelethi kufuze babawe uJehova bona abasize ukufundisa abantwababo iqiniso?
5 Babelethi, uJehova ufuna nibe bomma nabobaba abaphumelelako. Ngalokho, mbaweni anisize bona nifundise abantwana benu iqiniso. (Khk. 13:8) Ngesekelo lakaJehova, ungabandula abantwabakho bona ‘bahlakaniphe kube kusindiswa ngokukholwa kuKrestu Jesu.’—2 Thim. 3:15; IzA. 4:1-4.