Iintjumayelo Ezizimbonelo

I-Kingdom News No. 38

“Ngihlanganyela ejimeni lephasi mazombe lokurhatjha umlayezo oqakathekileko lo. Nasi ikhophi yakho.”

Okufuze kutjhejwe: Bona kuhlanganiswe isimu, yenza itjumayelwakho ibe yifitjhani. Nokho, ngezinye iinkhathi umninimuzi angatjengisa ikareko yamambala begodu afise ukucoca. Nengabe kunjalo, ungabawa ukuzwa umbonwakhe ngombuzo ongaphandle, mfundele ipendulo yeBhayibheli njengombana itjengiswe ngaphakathi, ucoce ngengcenye engaphakathi kwephetjhaneli isikhathi nesivumako. Ngaphambi kobana ukhambe, mtjengise umbuzo ongaphasi kwesithi “Ongacabanga Ngakho” ngemva kwephetjhana begodu uhlele ukubuya nizokucoca ngakho.

ISithalasokulinda Novemba-Disemba

“Sinivakatjhele ngombana abanengi emphakathini wethu bayazibuza bona kubayini uZimu avumela ukutlhaga okungaka? Wakhe wazibuza ngalokhu? [Lindela ipendulo.] Kuyathabisa bona iBhayibheli ithembisa bonyana kuzokuba nesikhathi lapho ukulila nobuhlungu kuzabe kungasekho. [Funda IsAmbulo 21:4.] Umagazini lo ukhuluma ngamabanga amahlanu ayihloko wokobana kubayini kunokutlhaga okungaka. Godu utjengisa lokho iBhayibheli ekutjhoko ngendlela uZimu azokuphelisa ngayo ukutlhaga.”

Phaphama! Novemba

“Sinivakatjhele kancani ngombana abantu abanengi batshwenywa kukobana imithethokambiso yokuziphatha ibonakala yehla. Ucabanga bona umphakathi wehlise imithethokambiso yawo yokuziphatha? [Lindela ipendulo.] IBhayibheli yabikezela bona ukucabanga kwabantu nokuziphatha kuzokutjhentjha. [Funda 2 Thimothi 3:1-5.] Umagazini lo ukhuluma ngokobana kubayini singayithemba imithethokambiso yokuziphatha efumaneka eBhayibhelini.”