Basize ‘Baqine Ekukholweni’

Kuyathabisa ukubona indlela uJehova abusisa ngayo ukubuthwa kwabantu, njengombana kubhajadiswa abantu abangaphezu kwesiqunto sesigidi qobe mnyaka. (Dut. 28:2) Nesele umrhuweleli asize umfundi bona abhajadiswe, kujayeleke bona isifundo siphele begodu umrhuweleli adzimelele ekusizeni abanye. Umfundi naye angatjhigamela ekuliseni ukufunda bona asebenze isikhathi esingeziweko ekonzweni. Nanyana kunjalo, kuqakathekile ngabafundelwa iBhayibheli bona babe nesisekelo esihle eqinisweni. Kufuze bahlale ‘badzimelele’ kuKrestu begodu ‘baqinile ekukholweni.’ (Kol. 2:6, 7; 2 Thim. 3:12) Ngalokho, ngemva kobana umfundi abhajadisiwe, kufuze aragele phambili ngesifundo seBhayibheli bekube kulapho aqeda incwadi ethi Okufundiswa YiBhayibhili nethi ‘Ethandweni LakaZimu’—Qala IKonzwethu YomBuso ka-Apreli 2011, ikhasi 2.