Indlela Ethabisako Okwenziwe Ngayo Amaphetjhana Amatjha!
1. Ngiwaphi amathulusi wesimini enziwe ngendlela ethabisako?
1 EmHlanganweni wesiGodi ka-2013 onesihloko esithi ‘IliZwi LakaZimu Liliqiniso!’ kwatjhatjhululwa amaphetjhana amatjha amahlanu. Ukungezelela, i-Kingdom News No. 38, enesihloko esithi, “Kazi Abahlongakeleko Bangabuye Baphile?” ifakwe emlandelandeni wamaphetjhana. Wosithandathu amaphetjhana la enziwe ngendlela ethabisako. Ngiziphi iinzathu zokwenziwa kwawo? Nasiwakhambisa emzini nomuzi, singakusebenzisa njani ngokuphumelelako ukwakheka kwawo okutjha?
2. Uyini umnqopho wendlela etjha amaphetjhana la enziwe ngayo?
2 Kubayini Enziwe Ngendlela Le?: Indlela ephumelelako yokutjhumayela emzini nomuzi ngokuvamileko ihlanganisa amagadango amane la: (1) Buza umbuzo wokuthoma ikulumiswano otlhoga umbono womninimuzi. (2) Coca ngomTlolo. (3) Nikela umninimuzi umagazini azowufunda. (4) Tjhiya umbuzo ozokuphendulwa ngokulandelako, bese wenza amalungiselelo wokubuyela. Indlela etjha okwenziwe ngayo amaphetjhana la yenza kube bulula ukulandela amagadango amane angehla.
3. Singalikhambisa njani elinye lamaphetjhana amatjha esimini?
3 Indlela Esingawasebenzisa Ngayo: (1) Ngemva kokulotjhisa, tjengisa umninimuzi umbuzo ovusa ikareko osekuthomeni kwephetjhana olandelwa ziimpendulo eentathu, begodu ubawe umbonwakhe. (2) Vula iphetjhana, ucoce naye ngesihloko esithi “Okutjhiwo IBhayibheli.” Ubujamo nabuvumako ufunde ngokunqophileko eBhayibhelini umtlolo. Umninimuzi nakanesikhathi, coca ngesihloko esithi, “Ongakuzuza Kilokho.” (3) Mnikele iphetjhana, umkhuthaze bona alifunde loke ngesikhathi sakhe. (4) Ngaphambi kobana ukhambe, mtjengise umbuzo ongemuva kwephetjhana ngaphasi kwesihloko esithi, “Ongacabanga Ngakho” ngemva kwalokho wenze amalungiselelo wokubuyela uzokucoca ngempendulo yeBhayibheli.
4. Singawasebenzisa njani amaphetjhana amatjha, nasenza amabuyelo?
4 Ukubuyela nakho kulula. Bulula sebenzisa imitlolo ekhonjiweko engemva kwephetjhana ukuphendula umbuzo owubuzileko ekuphetheni kwevakatjho lakho eligadungileko. Ngaphambi kobana ukhambe, mtjengise isithombe secwajana ethi, Iindaba Ezimnandi, tjengisa umninimuzi incwajana nesifundo esinemininingwana engeziweko ngendaba enicoce ngayo, bese umkhambisela yona. Nakayamukelako yenza amalungiselelo wokucoca ngencwajana le evakatjhweni elilandelako. Sebe usithomile isifundo seBhayibheli! Nofana esikhundleni sokumnikela incwajana, ungamkhambisela elinye iphetjhana begodu wenze amalungiselelo wokucoca ngalo nomninimuzi evakatjhweni elilandelako.
5. Amaphetjhana aqakatheke kangangani ekonzwenethu?
5 Amaphetjhana sekasetjenziswe iminyaka engaphezu kwe-130 ekonzwenethu. Nanyana ubukhulu nendlela enziwa ngayo ihluka, amaphetjhana abe yithulusi eliphumelelako lokufakaza. Kwanga singawusebenzisa kuhle umtlamo omutjha wamaphetjhana la bona siragele phambili sirhatjha ilwazi leBhayibheli ephasini mazombe.—IzA. 15:7a.