Ungayithomisa Njani Ikulumiswano Usebenzisa Amaphetjhana

Kusukela ngoJanabari 2018, isigubuzeso sencwajana ethi, Ipilo Nomsebenzi WobuKrestu sineentjumayelo ezisibonelo. Sakhuthazwa bona sicoce nabantu kunokobana sibaphe iincwadi. Ukusiza abarhuweleli bona basebenzise indlela le, iintjumayelo ezisibonelo zinamavidiyo atjengisa ukuthi singacoca njani nabantu sisebenzisa iBhayibheli kwaphela. Kghani lokhu kutjho bona singasazikhambisi iincwadi nasitjhumayelako? Awa! Ngokwesibonelo, amaphetjhana singawasebenzisa ngendlela ephumelelako ukuthomisa ikulumiswano. Singasebenzisa indlela le nasikhambisa amaphetjhana:

1. Buza umbuzo osekuthomeni kwephetjhana angakhetha kiwo ipendulo.

2. Mtjengise ipendulo yeBhayibheli esekhasini lesibili phezulu. Nangabe isikhathi siyavuma, ungafunda begodu nicoce ngeminye imininingwana esephetjhaneni.

3. Tjhiyela umninimuzi iphetjhana, begodu umkhuthaze bona alifunde loke nakathola isikhathi.

4. Ngaphambi kokuthi ukhambe, mtjengise umbuzo ongaphasi kwesihloko esithi, “Ongacabanga Ngakho” bese uhlela ukuthi nicoce ngependulo eseBhayibhelini nawubuyako.

Nabuyelako, cocani ngependulo bese utjhiya omunye umbuzo bona nikhulume ngawo nawubuyako. Ungakhetha ukumbuza umbuzo okuzinzolwazi namkha ongemva kwephetjhana. Ngesikhathi esifaneleko, yethula incwajana ethi, Iindaba Ezimnandi Ezivela KuZimu! Namkha enye incwadi yokuraga isifundo seBhayibheli esemaThulusini wokuFundisa.