Ukuthuthukisa Amakghonwethu Ekonzweni—Ngokubeka Isisekelo Sokubuyela

Okwenza Kuqakatheke: Nesifumana umuntu onekareko, sifuna ukubuyela ngesikhathi afumaneka ngaso siyokusezela imbewu yeqiniso esiyitjalileko. (1 Kor. 3:6) Kanengi lokho kutlhoga sikwenze ngaphambi kobana sikhambe, sibeke isisekelo ngokubuza ukuthi singabuya nini. Ukungezelela kilokho, kungaba kuhle ukubuza umbuzo esizowudemba nesibuyako. Lokho kuzokwenza umninimuzi akuthabele ukubuya kwethu, kanti-ke nengabe umbuzo loyo uyaphendulwa encwadini esimnikele yona, manengi namathuba wokobana ayifunde. Ukubeka isisekelo sekulumiswano elandelako kwenza kube bulula ukubuyela ngombana sewuyazi bonyana nizokukhuluma ngani, nomninimuzi uyazi bona ulindeleni. Nasibuyela kuye, singahlathulula bona sizokuphendula umbuzo esawubuza lokha nasimvakatjheleko bese siragela phambili.