Ukuthuthukisa Amakghonwethu Wokutjhumayela​—Buza Umbuzo Ozowuphendula Nawubuyako

OKWENZA KUQAKATHEKE:

Sifuna ukusezela imbewu yeqiniso esiyitjalileko. (1Ko 3:6) Yeke nasifumana umuntu othanda ukwazi iqiniso, kuhle nasingambuza umbuzo esizowuphendula nasibuyela kuye. Lokho kumenza alulukele ukwizwa ipendulo yawo, nathi kusenzele izinto zibe bulula nasilungiselela amabuyelo. Nasibuyelako sivele sitjho ukuthi sizokuphendula umbuzo esimbuze wona nasize kuye kokuthoma.

INDLELA ESINGAKWENZA NGAYO:

• Nawulungiselela lokho ozokutjho nawungena umuzi nomuzi, faka nombuzo ozowuphendula nawubuyelako. Kungaba mbuzo ophendulwa yincwadi oyikhambisako. Mhlamunye kube mbuzo ophendulwa ngenye yeencwadi esiraga ngazo isifundo ofuna ukumnikela yona nawubuyelako.

• Nasewuphetha lokho ebenicoca ngakho nomuntu ozimisele ukwazi iqiniso, mtjele bona ungathanda ukukhuluma naye godu, bese umbuza umbuzo owulungiseleleko. Nakukghonakalako mbawe imininingwana ozomthinta kiyo.

• Qiniseka bona ubuyela kuye ngelanga othe uzokubuya ngalo.—Mat 5:37.