Ukuthuthukisa Amakghonwethu Ekonzweni—Ukutjengisa Ikareko Kumuntu Mathupha

Okwenza Kuqakatheke: UJesu bekaqala umuntu ngamunye njengoqakathekileko, begodu bekatjengisa ithando nekareko kumuntu mathupha. Ngokwesibonelo, kobunye ubujamo kungenzeka ukuthi uJesu walemuka bona indoda ethileko eyisithulu beyineenhloni, yeke lokha nakayilaphako, lokho wakwenza ngemsithelweni, kude nesiqubuthu egade siqalile. (Mar. 7:31-35) Watjengisa ukubacabangela abafundi bakhe ngokutjheja ukulinganisela kwabo, ngokungabanikeli ilwazi elinengi. (Jwa. 16:12) Ngitjho nesikhundleni sakhe sezulwini, uJesu utjengisa ikareko kumuntu mathupha. (2 Thim. 4:17) Njengombana sibalandeli bakaKrestu, sifuna ukumlingisa. (1 Pit. 2:21; 1 Jwa. 3:16, 18) Ngaphezu kwalokho, sizokuphumelela khulu ekonzwenethu nasitjengisa ukucabangela umninimuzi sitjheje ubujamo obukhethekileko aqalene nabo, izinto azithandako, nezimtshwenyako. Uzokutjhigamela khulu ekusilaleleni nakatjheja bona asisisemsebenzini wokumtjhiyela umlayezo esiwuphetheko kwaphela namkha ukutjhiya iincwadi, kunalokho; sinekareko kuye mathupha.